الماتىنىڭ باس ساۋلەتشىسى تاعايىندالدى

الماسحان احمەدجانوۆ الماتى قالاسىندا تۋعان. الماتى قالاسى ساۋلەت جانە قالا قۇرىلىسى باسقارماسىندا 19  جىلدان بەرى قىزمەت ەتىپ كەلەدى، ەڭبەك جولىن باس مامان رەتىندە باستاعان.

سوڭعى 10 جىل بويى اتالعان باسقارما باسشىسىنىڭ ورىنباسارى بولدى. اباي اتىنداعى قازاق مەملەكەتتىك ۋنيۆەرسيتەتىنىڭ، م. تىنىشبايەۆ اتىنداعى كولىك جانە كوممۋنيكاتسيا اكادەمياسىنىڭ تۇلەگى، ماماندىعى بويىنشا « ينجەنەر- قۇرىلىسشى» .

جاڭادان تاعايىندالعان باس ساۋلەتشىنىڭ الدىنا ءبىرقاتار مىندەتتەر قويىلدى.

الماسحان احمەدجانوۆ « قالا ادامدار ءۇشىن» كونسەپتسياسى اياسىندا حالىقارالىق تاجىريبەلەر مەن يننوۆاتسيالىق تەحنولوگيالاردى قولدانا وتىرىپ جۇمىس تيىمدىلىگىن ارتتىرۋ جانە جايلى ءارى ەكولوگيالىق تازا قالا كەڭىستىگىن قالىپتاستىرۋعا مىندەتتەلدى.

بۇلاردان وزگە، قۇرىلىس جوبالارىن جاساۋعا بارىنشا كرەاتيۆتى ارحيتەكتورلار مەن جوبالاۋشىلاردى تارتۋ، قالادا الەۋەتى جوعارى ءبىلىمدى ءارى تاجىريبەلى كادرلار قۇرامىن قالىپتاستىرۋ قاجەت. ول ءۇشىن « الماتى باس جوسپار» عزي بازاسىندا جاس ماماندارعا قولداۋ كورسەتەتىن كرەاتيۆتى يدەيالار ورتالىعى قۇرىلاتىن بولادى.

ايتا كەتەرلىگى، مۇنىڭ الدىندا الماتى اكىمى باۋىرجان بايبەك كەلەر جىلدىڭ باسىندا قالانى دامىتۋدىڭ شەبەرلىك جوسپارىنىڭ اشىق جاريالاناتىنىن ايتقان ەدى. قالانىڭ ءاربىر تۇرعىنى جانە بيزنەس وكىلى جوبامەن تانىسىپ، ءوز ۇسىنىسىن ايتا الادى.