كارىستەر ءيت ەتىن جەۋدى كۇرت ازايتتى

ونداعان جىلدار بويى وڭتۇستىك كورەيا ءيتتىڭ ەتىنەن تاماق ازىرلەۋ سالتىنا بايلانىستى سىنعا ۇشىراپ كەلدى. جانۋارلاردىڭ قۇقىقتارىن قورعاۋ جونىندەگى حالىقارالىق توپتار يتتەردى شەتەلگە، ا ق ش-قا، ۇلى بريتانياعا، كاناداعا جىبەرۋ ارقىلى ولاردىڭ جانىن ساقتاپ قالىپ ءجۇردى. Humane Society International (HSI) ۇيىمىنىڭ دەرەكتەرىنە سەنسەك، 2015 -جىلدان بەرى ەلدەگى 13 فەرمادان 1600 ءيت قۇتقارىلعان.

سوڭعى جىلدارى وڭتۇستىك كورەيادا ءيتتىڭ ەتىن جەيتىندەر سانى ازايا باستاعان.

2005-2014 -جىلدار ارالىعىندا سەۋلدە ءيتتىڭ ەتىنەن تاماق ازىرلەيتىن مەيرامحانالاردىڭ سانى %40 قىسقارعان. ونىڭ باستى سەبەبى - سۇرانىستىڭ ازايۋى.

قاراشا ايىندا سەۋلدىڭ جانىندا ورنالاسقان سوننام قالاسىنداعى ەڭ ءىرى قاساپحانا جابىلدى. وندا جىل سايىن مىڭداعان ءيت باۋىزدالاتىن.