ۇلتتىق ارنانىڭ مەرەكەلىك كەستەسى
مەرەكە كۇندەرىنە وراي، ۇلتتىق ارنا ءوز كورەرمەندەرىنە قىزىقتى شوۋ- باعدارلامالار مەن ارنايى جوبالار دايىنداپ وتىر.
ايتا كەتسەك، كىشكەنتاي كورەرمەندەر ايگىلى «Walt Disney» كينوكومپانياسىنىڭ ۇزدىك انيماتسيالىق فيلمدەرىن تاماشالاي الادى.
31 - جەلتوقسان كۇنى 11:15-تە «حانشايىم مەن قۇرباقا» كورسەتىلسە، 1 - قاڭتاردا 11:45-تە «پينگۆيندەر ءبيى»، ال، 2 - قاڭتار كۇنى 13:20-دا «جۇلدىزدى توبەت» جانە ت. ب انيماتسيالىق فيلمدەرمەن تولىعادى. بۇل انيماتسيالىق فيلمدەردىڭ بارلىعى «قازاقستان» كورپوراتسياسىنىڭ كينوكورسەتىلىم جانە دۋبلياج بولىمىندە اۋدارىلىپ، دىبىستالعان.
سونىمەن قاتار، 31 - جەلتوقسان كۇنى 14:25-تە «الاتاۋىم - التىن ۇيام» اتتى رەسپۋبليكالىق اقىندار ايتىسىنىڭ 1 - ءبولىمىنىڭ تۇساۋكەسەرى بولماق. ال، ايتىستىڭ جالعاسىن، 2 جانە 3 - بولىمدەرىن 1 - قاڭتاردا 15:35-تە جانە 2 - قاڭتاردا 14:40-تا كورۋگە بولادى.
ۇلتتىق ارنا ءازىل سۇيەر كورەرمەندەرىنە ارناپ 18:10-دا، «قازاقستان» كورپوراتسياسىنىڭ «التىن قورىندا» ساقتالعان، كەزىندە كەڭىنەن تانىمال بولعان «تاماشا» ويىن- ساۋىقتىق باعدارلاماسىن تارتۋ ەتپەك. كورەرمەن كوزايىمىنا اينالعان باعدارلاماعا ەلىمىزدىڭ ءبىرتۋار ارتىستەرى - قۇدايبەرگەن سۇلتانبايەۆ، توقسىن قۇلىبەكوۆ، مەيىرمان نۇرەكەيەۆ جانە ت. ب قاتىسقان بولاتىن.
ودان باسقا، 19:45-تە بەلگىلى انشىلەر: الىشەر كارىموۆ، لۋينا جانە «فورمات» توبىنىڭ قاتىسۋىمەن «ءازىل الەمى» توك- شوۋىنىڭ جاڭا جىلدىق شىعارىلىمى كورەرمەنگە جول تارتادى.
ۇلتتىق ارنانىڭ كورەرمەندەرىنە ۇسىناتىن ەڭ باستى سىيى - «20.19 باستى ارناداعى جاڭا جىل» اتتى مۋزىكالىق شوۋ- باعدارلاماسى ەفيرگە 21:50-دە جانە 00:00-دە شىعادى. مەرەكەلىك شوۋدا قازاق ەستراداسىنىڭ تانىمال انشىلەرى: ماقپال ءجۇنىسوۆا، بەكبولات تىلەۋحان، جانار دوعالوۆا، ەركە ەسماحان، قايرات تۇنتەكوۆ، زيرۋزا، رينگو توبى جانە ت. ب ءوز ونەرلەرىن كورسەتەدى.
ال، «20.19 باستى ارناداعى جاڭا جىل» شوۋ- باعدارلاماسىنىڭ باس قوناعى الەمگە تانىمال ءانشى ديماش قۇدايبەرگەن بولماق.
اۆتور: قانات مامەتقازى ۇلى