قازاقستان ەت ەكسپورتى بويىنشا رەكورد ورناتتى

«21 - جەلتوقسانداعى مالىمەتكە سۇيەنسەك، ەت ەكسپورتىنىڭ كولەمى 18,8 مىڭ توننانى قۇرادى. ال جوسپارلانعان كولەم - 15 مىڭ توننا. سىرتقا شىعارىلعان ەتتىڭ تەڭ جارتىسى تۇركىستان وبلىسىنا تيەسىلى. سالىستىرمالى تۇردە ايتاتىن بولساق، 2017 -جىلى ەكسپورتقا شىققان ەتتىڭ كولەمى 5,5 مىڭ توننانى قۇراعان. اعىمداعى جىلدىڭ ەكىنشى جارتىسىنان شاعىن جانە ورتا شارۋاشىلىقتارعا نەگىزدەلگەن «ەتتى مال شارۋاشىلىعىن دامىتۋ» باعدارلاماسىن ىسكە اسىرۋ باستالىپ كەتتى. ونى جۇزەگە اسىرۋ ءۇشىن ارنايى جەڭىل نەسيە بەرۋدى قاراستىراتىن «سىباعا» باعدارلاماسى باستاۋ الدى. جۇمىس جىلدىڭ ەكىنشى جارتىسىندا باستالعانىمەن، بەلگىلەنگەن مەجەدەن ارتىق ورىندالدى. بۇگىنگى تاڭدا 700 فەرمەر نەسيە الدى»، - دەلىنگەن مينيسترلىكتىڭ باسپا ءسوز حابارلاماسىندا.

فەرمەرلىك شارۋاشىلىقتاردىڭ ءىرى قار مال ساتىپ الۋ بويىنشا جىلدىق جوسپارى 50,0 مىڭ باستى قۇرايدى. 11 ايدا 67 مىڭ باس مالدى ساتىپ الۋعا وتىنىمدەر قابىلداندى. سونىڭ ىشىندە 55 مىڭ باسقا وتىنىمدەر ماقۇلدانىپ، نەسيەلەر بەرىلگەن. سونداي- اق «التىن اسىق» باعدارلاماسى بويىنشا 170 مىڭ باس قوي ساتىپ الىنعان.

«انالىق مالدى اسىلداندىرۋ بويىنشا جوسپار 1,0 ميلليون باس. بۇگىنگى تاڭدا اسىلداندىرۋعا 977 مىڭ باس مال (98%) قاتىسىپ وتىر.

قازاقستانعا 14,5 مىڭ باس ءىرى قارا اكەلىنگەن. از ۋاقىت مال اكەلۋدە كىدىرىس بولدى (شىلدە- جەلتوقسان) ، وعان سەبەپ يمپورتتاۋشى ەلدەردىڭ ەپيزووتيالىق جاعدايى» ، - دەپ اتاپ ءوتتى مينيسترلىكتەن.

سونداي- اق بريفينگ بارىسىندا وسىمدىك شارۋاشىلىعى سالاسىنداعى ناتيجەلەر باياندالدى.

«وبلىستىق اۋىل شارۋاشىلىعى باسقارمالارىنىڭ مالىمەتى بويىنشا، 2018 -جىلى 15,1ت س/گ ا استىق ونىمدىلىگىنەن 22,8 ميلليون توننا بيداي جينالدى. جالپى استىق كولەمى وتكەن جىلدان 760 مىڭ تونناعا نەمەسە 3 پايىز ارتىق، استىق ونىمدىلىگى 0,6 ت س/گ ا نەمەسە 4 پايىز»، - دەدى اشم- نان.

بيىلعى جىلى قيار ەگۋ كولەمى 2,5 مىڭ گەكتارعا ارتقان، جالپى ءونىم كولەمى 460 مىڭ توننانى قۇرادى. بۇل وتكەن جىلدان 50 مىڭ تونناعا ارتىق. ىشكى نارىقتاعى سۇرانىس 480 مىڭ توننانى قۇراپ وتىر.

سپيكەرلەر كوكونىس باعاسىنىڭ كۇرت ءوسۋىن ءوندىرىس ماۋسىمدىلىعىمەن بايلانىستىرىپ وتىر. بۇدان بولەك، ازىق- تۇلىك تاۋارلارىنىڭ قىمباتتاۋىنا ءونىمنىڭ وزىندىك قۇنىنا تىكەلەي اسەر ەتەتىن فاكتورلار - جانار- جاعارماي، ەلەكترقۋاتى، كوممۋنالدىق قىزمەتتەر باعاسىنىڭ ارتۋى اسەر ەتىپ وتىر.

الەۋمەتتىك ماڭىزى بار ازىق- تۇلىك تاۋارلارىنىڭ باعاسىن تۇراقتاندىرۋ ماقساتىندا وڭىرلەر ازىق- تۇلىك ونىمدەرىنە تۇراقتاندىرۋ قورلارىن قۇرىپ جاتىر. قازاقستاننىڭ 5 ءىرى قالاسىندا كوتەرمە جانە بولشەك ساۋدا ورتالىقتارى قۇرىلىسى جۇرگىزىلۋدە.