قازاقستان وڭىرلەرىنەن قاۋىپتى ەت ونىمدەرى تابىلدى

 بۇل جايىندا ق ر دەنساۋلىق ساقتاۋ مينيسترلىگى قوعامدىق دەنساۋلىقتى قورعاۋ كوميتەتىنەن ءمالىم ەتتى، دەپ حابارلايدى قازاقپارات ءتىلشىسى.

ۆەدومستۆو مالىمەتىنشە، بەلارۋستان جەتكىزىلگەن «درۋجبا» قۇس فابريكاسى» ا ا ق- نىڭ تاۋىق ەتىنەن (قوستاناي وبلىسىنىڭ ساۋدا نىساندارىندا) سالمونەللا جانە ىشەك قۇرتى باكتەريالارى انىقتالعان.

ال رەسەيدىڭ «ومسكي بەكون» ا ق وندىرگەن «يزمايلوۆسكايا» ، «وريگينالنايا» شۇجىقتارىنان، «سيبيرسكيە كولباسى» ا ا ق- نىڭ «مولوچنىە» سوسيسكاسىنان «ستارودۆورسكيە كولباسى» ج ا ق- نىڭ «ۆەتچينا ستوليچنايا ۆيازانكا» ەت ونىمدەرىنەن، «ۆوسحودياشايا زۆەزدا» ا ا ق- نىڭ «وسوبويا» شۇجىعىندا (سولتۇستىك قازاقستان وبلىسىنىڭ ساۋدا نىساندارىندا) ناتري نيتراتىنىڭ سالماق ۇلەسى ارتىق بولىپ شىقتى.

سونىمەن قاتار، قوستاناي وبلىسىنىڭ ساۋدا نىساندارىنداعى رەسەيلىك «ناگايباكسكي پتيتسيەۆودچەسكي كومپلەكس» كومپانياسى وندىرگەن سورپاعا ارنالعان تاۋىق ەتى جيىنتىعىندا دا سالمونەللا باكتەريالارى تابىلىپ، مەملەكەتتىك تىلدەگى تاڭبالانۋى جوق بولىپ شىققان.

 ال اقمولا وبلىسىندا رەسەيدىڭ «ماگنيتوگورسكي پتيتسيەۆودچەسكيي كومپلەكس «برويلەرنوە پرويزۆودستۆو» ا ا ق وندىرگەن تاۋىق ەتىندە، جامبىل وبلىسىندا «پتيتسەكومبينات» ا ا ق- نىڭ تاۋىق ەتىندە ميكروبتىق تۇقىمدانۋ كورسەتكىشتەرىنىڭ ساي ەمەستىگى انىقتالدى.

قازىرگى ۋاقىتتا اتالعان قاۋىپتى ونىمدەردى ساۋدا نۇكتەلەرىنەن الىپ تاستاۋ جانە جەتكىزۋشىلەرگە قاتىستى اكىمشىلىك سيپاتتاعى شارا قولدانۋ جۇمىستارى جۇرگىزىلىپ جاتىر.