استانادا ايازدا كوشەدە جۇرگەن ءۇش جاسار بالانىڭ اتا- اناسى تابىلدى

ايتا كەتەيىك، وسىعان دەيىن استانا قالالىق پوليتسيا دەپراتامەنتى كەرەي جانىبەك حاندار كوشەسىندەگى تۇرعىن ءۇيدىڭ اۋلاسىنان تابىلعان ءۇش جاسار بالانىڭ اتا- اناسىن ىزدەستىرىپ جاتقاندىعىن حابارلاعان بولاتىن. كەيىنىرەك بالا امان- ەسەن تابىلىپ، ساۋران كوشەسىندەگى №13 پوليتسيا بولىمشەسىنە جەتكىزىلگەنى حابارلاندى.

ال كەشىرەك، استانا اكىمدىگىنىڭ باسپا ءسوز حاتشىسى ەلۆيرا جۇرگەنبايەۆا فەيسبۋك جەلىسىندەگى پاراقشاسىندا بالانىڭ اتا- اناسى دا تابىلعانىن حابارلادى.

«بالانىڭ اتا- اناسى تابىلدى، ولار جۇمىستارىندا بولعان. ال بالا تۋىستارىنىڭ ۇيىندە بولعان. بالانىڭ اعاسى جۇمىسقا شىعىپ كەتكەندە ەكىنشى اعاسى ۇيىقتاپ جاتقان، سول ساتتە بالا ءوز بەتىمەن سىرتقا شىعىپ كەتكەن. ۇيقىدان ويانعان اعاسى بالانى ۇلكەن اعاسى الىپ كەتتى دەپ ويلاعان. قازىر بالا اناسىنىڭ جانىندا. اتا- انالارعا بالالارىنا مۇقيات بولۋدى تاعى دا ەسكەرتەمىز»، - دەپ جازدى باسپا ءسوز حاتشىسى.