كەلەر جىلى كارى قىزدار مەن ءسۇربويداقتار قاتارى ازايادى

ءبىراق، ول ءۇشىن ارنايى تالاپتار ورىندالۋى شارت. بۇل تۋرالى ەۋرازيا ءبىرىنشى ارناسى حابارلادى.

2019 -جىلى ءسىز بولاشاق جارىڭىزدى جولىقتىرىپ، شاڭىراق كوتەرۋىڭىز ابدەن مۇمكىن. تانىمال نۋمەرولوگتاردىڭ بولجامىنا سايكەس، كەلەر دوڭىز جىلى وتباسىلى بولۋىڭىزعا جول اشپاق.

«2019 -جىل جەكە ومىردەگى وزگەرىستەر ءۇشىن وتە جاقسى. ەگەر ءسىز تۇرمىس قۇرماساڭىز نەمەسە ءالى ۇيلەنبەگەن بولساڭىز كەلەر جىلى ومىرلىك جارىڭىزدى كەزدەستىرۋگە ۇلكەن مۇمكىندىگىڭىز بار. ەڭ قىزىعى، توي وتە شۋلى، كوڭىلدى بولۋ كەرەك. سوندا ءسىزدىڭ نەكەڭىز باقىتتى، بەرەكەلى ءارى بەرىك بولادى. ال وتباسىڭىزدا قيىندىقتار كەزدەسپەيدى» ، - دەيدى نۋمەرولوگ كلارا كۇزدەنبايەۆا.

استرولوگ ماماندار دا نۋمەررولوگتىڭ ايتقان پايىمىمەن تولىقتاي كەلىسەدى. 2019 -جىل جالپى قازاقستان ءۇشىن ءساتتى بولماق.

«ءيا 2019 -جىل 2018 - قاراعاندا الدە قايدا قۇتتى جىل بولماق! اتاپ ايتقاندا، دوڭىز جىلى جەڭىلدەۋ وتەدى. ماسەلەن قازاقستان استرولوگيا بويىنشا مەرگەن جىلى تاۋەلسىزدىگىن الدىق دەسەك، ياعني بيىلعى جىل ساتتىلىك الىپ كەلەدى دەگەن ءسوز. ونىڭ ىشىندە ەلىمىزدە جاڭا رەفورمالار، جاڭا باستامالار قولعا الىنادى» ، - دەيدى پسيحولوگ بوتاگوز نۇرعالي.

وكىنىشكە قاراي بۇگىندە وڭ بوساعادا وتىرىپ قالعان قىزداردىڭ سانى 700 مىڭعا دەيىن جەتىپ وتىر. وسىعان قاتىستى ماماندار ءتىپتى «كارى قىز سيندرومى» تەرمينىن ەنگىزىپ، ونىڭ ءتۇرلى سەبەپتەرىن زەرتتەپ كورسەتكەن. ال سۇربويداق جىگىتتەردىڭ قاتارى ارۋلارعا قاراعاندا 2 ەسە از ەكەن. سوندىقتان، «بۇرىمدىلار كوپ سوزباي، تۇرمىسقا شىعۋ كەرەك» دەيدى ساراپشىلار.

«سول بولجامعا قاتتى سەنىپ، ناقتى سول جىلى تۇرمىسقا شىعا الماعان بولسا، بۇل دا ءبىر ادامنىڭ ىشتەي، سىرتقا كورسەتپەسە دە، ىشتەي ءبىر كۇيزەلىسكە اكەپ سوقتىرادى. ءار نارسەنىڭ ەكى جاعى بولادى. ءبىر جاعىنان ول قىز- كەلىنشەكتەرىمىزگە پايدالى بولۋى مۇمكىن. ءبىر جاعىنان كەرىسىنشە كەرى اسەرىن اكەلۋى مۇمكىن» ، - دەيدى پسيحولوگ ايىم ءابدىروۆا.

Baq.kz