ەلورداداعى مەكتەپ اسحانالارىندا اس ءمازىرى وزگەرەدى

ءانۋار جانعوزيننىڭ ايتۋىنا قاراعاندا، كەلەسى جىلدىڭ قاڭتار ايىنان باستاپ جاڭارتىلعان اس ءمازىرى قالاداعى 41 - ورتا مەكتەپكە ەنگىزىلەدى. سودان كەيىن بۇل وزگەرىس باسقا مەكتەپتەردى دە قامتيتىن بولادى. تارقاتا ايتقاندا، الداعى جىلى ق ر ءبىلىم جانە عىلىم مينيسترلىگىنىڭ №717 بۇيرىعىنداعى جاڭا وزگەرىستەرگە سايكەس، تاماقتانۋ ەرەجەلەرى جاريالانادى.

«بىرىنشىدەن، بالالار جاڭا اس ءمازىر بويىنشا تولىققاندى تاماقتانادى. ەكىنشىدەن، اتالعان مازىرگە ءتۇرلى تاماق ءتۇرى، ياعني دەنساۋلىققا پايدالى جەمىستەر مەن كوكونىستەر ەنگىزىلمەك. مىسالى، تاڭەرتەڭ بالالارعا جاڭا اس ءمازىرى بويىنشا سۇتتەگى كۇرىش بوتقاسى، بۋتەربرود (ماي مەن ىرىمشىك)، جەمىس- جيدەك، الما نەمەسە كۇرىش، قانت قوسىلعان شاي بەرىلەدى. ال ساعات 10-نان كەيىن وقيتىن وقۋشىلارعا سيىردىڭ ەتىنەن جاسالعان كوتلەت، ماكارون، الما جانە قانت قوسىلعان شاي بەرىلەدى»، - دەدى باسقارما باسشىسى استانا قالاسى اكىمدىگىندە وتكەن بريفينگتە.

ءانۋار جانعوزيننىڭ ايتۋىنشا، جاڭا اس ءمازىرىنىڭ باعاسى ءار بالاعا 355 تەڭگە بولادى. جالپى كەلەسى جىلى وقۋشىلاردى تەگىن ىستىق تاماقپەن قامتاماسىز ەتۋگە جەرگىلىكتى بيۋدجەتتەن 4 ميلليارد تەڭگە شاماسىندا قاراجات قاراستىرىلعان. ال جاڭا اس ءمازىرىن قازاق تاعامتانۋ اكادەمياسى ماقۇلداپ وتىر.

اۆتور: ايان بەكەن ۇلى