اياز بۋعان استانا: ايالدامالاردا كەزەكشى اۆتوبۋستار قىزمەت كورسەتىپ جاتىر
استانا. قازاقپارات - ەلوردادا ۇسكىرىك ايازعا بايلانىستى 25 - جەلتوقساندا قوعامدىق كولىكتەردىڭ ايالدامالارىندا كەزەكشى اۆتوبۋستار قىزمەت ەتەتىن بولادى، دەپ حابارلايدى ەلوردا اكىمدىگىنىڭ رەسمي سايتى «استانا LRT» ج ش س باسپا ءسوز قىزمەتىنە سىلتەمە جاساپ.
«اۋا رايىنىڭ قولايسىزدىعىنا وراي بۇگىن بەلگىلى ءبىر ايالدامالاردا كەزەكشى اۆتوبۋستار قىزمەت ەتەتىن بولادى. بۇل - وزىنە قاجەتتى باعداردى كۇتەتىن جولاۋشىلار توڭىپ قالماس ءۇشىن قولعا الىنعان شارا» ، - دەلىنگەن كومپانيانىڭ باسپا ءسوز حابارلاماسىندا.
كەزەكشى اۆتوبۋستارمەن جابدىقتالاتىن ايالدامالاردىڭ ءتىزىمى تومەندە كەلتىرىلگەن.