قازاقستاندا بەسىنشى پوليتسيا اكادەمياسى اشىلادى
ونىڭ سوزىنە قاراعاندا، ىشكى ىستەر ورگاندارىن جاڭعىرتۋ جونىندەگى جول كارتاسىندا كوپتەگەن جايت پوليتسيا قىزمەتكەرلەرىنە ساپالى ءبىلىم بەرۋگە قاتىستى بولادى.
«رەسمي تۇردە بەسىنشى پوليتسيا اكادەمياسى اشىلادى. ءىس جۇزىنە ولار بار. تەك، ىشكى ىستەر مينيسترلىگىنىڭ شىمكەنت كولەدجى بازاسىندا قوسىمشا جاڭا اكادەميا پايدا بولادى. ياعني، اقتوبەدە، قاراعاندىدا، الماتىدا جانە قوستانايدا بار. ەندىگى ۋاقىتتا شىمكەنتتە جاڭاسى قۇرىلادى. وندا قايتا وقىتۋ، بىلىكتىلىك ارتتىرۋ، قىلمىسپەن كۇرەس عىلىمى سىندى باعىتتار بولادى»، - دەدى ول.
قوعامدىق كەڭەس ءتوراعاسىنىڭ ايتۋىنشا، بارلىق اكادەميادا ماگيستراتۋرا بولادى.
«ال دوكتورانتۋرا ءبىلىم جانە عىلىم مينيسترلىگىنىڭ تالابىمەن رەسمي تۇردە دوكتورلىق كەڭەس قۇرىلعان پوليتسيا اكادەميالارىندا عانا بولادى. اتاپ ايتار بولساق، ق ر ءى ءى م ب. بەيسەنوۆ اتىنداعى قاراعاندى اكادەمياسىندا ءبىلىم بەرۋدىڭ باكالاۆرياتۋرا، ماگيستراتۋرا جانە دوكتورانتۋرا سىندى ءۇش دەڭگەيى ساقتالادى. قالعان اكادەميالاردا قايتا دايىنداۋ، بىلىكتىلىك ارتتىرۋ جانە ماگيستراتۋرا بولادى. الماتى اكادەمياسىنىڭ عالىمدار قۇرامى وتە مىقتى بولعاندىقتان ول جاقتا دا PhD دوكتورانتۋراسى بولۋى مۇمكىن»، - دەدى مارات قوعاموۆ.
اۆتور: مارلان جيەمباي