استانادا ايازعا بايلانىستى قىزمەتكەرلەر جۇمىس ىستەمەيتىنى جونىندە جالعان اقپارات تارادى

WhatsApp مەسسەندجەرىندە مىناداي اقپارات تارادى: «استانا اكىمدىگى حابارلايدى: اۋا رايىنىڭ بۇزىلۋىنا بايلانىستى قالا مەكەمەلەرىندە بارلىق دەڭگەيدەگى قىزمەتكەرلەر ءۇشىن جۇمىس بولمايدى» .

وسىعان بايلانىستى قالا اكىمىنىڭ باسپا ءسوز حاتشىسى ەلميرا جۇرگەنبايەۆا فەيسبۋكتەگى پاراقشاسىندا جازبا جاريالادى.

«قۇرمەتتى قالا تۇرعىندارى مەن قوناقتارى! WhatsApp تا وسىنداي اقپارات تارادى. ول شىندىققا سايكەس كەلمەيدى! وتىنەمىز، مۇنداي مالىمەتتەردى استانا قالاسىنىڭ رەسمي سايتىندا نەمەسە 109 Ikomek قىزمەتى ارقىلى انىقتاپ، تەكسەرىپ وتىرىڭىزدار» ، - دەپ جازدى باسپا ءسوز حاتشىسى.

 ەسكە سالا كەتەيىك، بۇگىن استانا قالالىق توتەنشە جاعدايلار دەپارتامەنتى مەكەمە جانە ۇيىم باسشىلارىنا 25 - جەلتوقسان كۇنگى جۇمىس ۋاقىتىن قىسقارتۋ جونىندە ۇسىنىس جاساعان بولاتىن.