مەرەكەلىك قاربالاستا ۇرىلاردان قالاي ساقتانۋ قاجەت
استانا. قازاقپارات - پوليتسيا قىزمەتكەرلەرى ءاميان مەن قۇندى زاتتاردى پوليەتيلەندى پاكەتكە جانە سومكەنى ازىق-تۇلىككە ارنالعان ارباعا سالماۋدى، كەزەكتە تۇرعاندا سومكەنى قولعا ۇستاپ تۇرۋدى ەسكەرتەدى، دەپ حابارلايدى ەلوردا ينفو.
«قوعامدىق كولىكتە مۇقيات بولۋدى، سومكەڭىزدىڭ جابىق بولۋىن قاداعالاۋ جانە الدىڭىزعا ۇستاپ تۇرۋ قاجەت. سونداي-اق، وتىرعان كەزدە الدىڭىزعا الىپ وتىرۋدى، قۇندى زاتتارىڭىزدى كيىمنىڭ ىشكى قالتالارىندا الىپ ءجۇرۋ بارىنشا قاۋىپسىز»، - دەپ كەڭەس بەرەدى ەلوردالىق پوليتسەيلەر.
ايتا كەتەيىك، جىل باسىنان استانالىق ءتارتىپ ساقشىلارى قىلمىس ۇستىندە 135 ۇرىنى قولعا ءتۇسىردى. ولاردىڭ 40 ى ۋاقىتشا ۇستاۋ يزولياتورىنا قامالعان.