سەيسەنبىدە ەلىمىزدىڭ ءبىرقاتار وڭىرىندە قاتتى اياز بولادى

قازاقستاننىڭ باتىسىندا، وڭتۇستىك- باتىسىندا جانە دە وڭتۇستىك تەرريتورياسىندا جاۋىن- شاشىن جاۋادى، قالعان بولىكتەرىندە جاۋىن- شاشىنسىز اۋا رايى كۇتىلەدى.

رەسپۋبليكانىڭ كەي جەرلەرىندە تۇمان، كوكتايعاق، بۇرقاسىن، جەلدىڭ كۇشەيۋى كۇتىلەدى.  قىزىلوردا وبلىسىنىڭ كەي جەرلەرىندە تۇمان تۇسەدى، جولدا كوكتايعاق، كۇندىز كەي جەرلەرىندە جەل 15-20 م/س كۇشەيەدى.

باتىس قازاقستان وبلىسىنىڭ كەي جەرلەرىندە تۇمان ءتۇسىپ، كوكتايعاق، بۇرقاسىن بولادى، جەلدىڭ جىلدامدىعى 15-20 م/س جەتەدى دەپ بولجانادى.

الماتى، جامبىل، اتىراۋ، قوستاناي، تۇركىستان، شىعىس قازاقستان وبلىستارىنىڭ كەي جەرلەرىندە تۇمان بولادى.

جامبىل، اتىراۋ، تۇركىستان، ماڭعىستاۋ وبلىستارىنىڭ كەي جەرلەرىندە كوكتايعاق، جاياۋ بۇرقاسىن بولادى.

اقتوبە وبلىسىنىڭ كەي جەرلەرىندە جەل 18 م/س كۇشەيەدى. تۇندە سولتۇستىك قازاقستان، پاۆلودار، الماتى، اقمولا، قاراعاندى وبلىستارىنىڭ كەي جەرلەرىندە قاتتى اياز كۇتىلەدى.