ءۇش جاسار بالا اياز بۋعان تايگادان جالعىز ءوزى شىققان

ول شاعىن ەلدى مەكەننەن بىرنەشە شاقىرىمداعى وزەنگە باتىپ كەتكەن اكەسىنىڭ ولىمىنەن كەيىن جالعىز قالعان، دەپ حابارلايدى قازاقپارات تا س س-قا سىلتەمە جاساپ.

بۇل تۋرالى بۇگىن ر ف كومسومولسك اۋدانى كەناي اۋىلىنىڭ اكىمشىلىگى حابارلادى.

جەرگىلىكتى تۇرعىن كەشكىسىن ۇلىن بالاباقشادان الىپ، بىرگە وزەنگە بارعان. ول الداعى كۇندەرى بالىق اۋلاۋعا بارۋ ءۇشىن جولدى ءبىلىپ قايتپاقشى بولعان. ەر ادام ەلدى مەكەننەن 3 شاقىرىم قاشىقتىقتاعى ورماندا بالاسىن جاعالاۋعا ءتۇسىرىپ كەتكەن. ءوزى قار كەشكىشپەن وزەننىڭ ۇستىمەن ءجۇرىپ كەلە جاتقاندا، مۇز جارىلىپ، سۋعا باتىپ كەتكەن.

بالانىڭ تۇسىندىرۋىنشە، اكەسى ۇلىنا اۋىلعا قايتۋىن ايتىپ قانا ۇلگەرگەن.

ءبۇلدىرشىن قار كەشكىشتىڭ ىزىمەن ۇيىنە قايتپاقشى بولادى. ول جولعا شىققاننان كەيىن، اۋىلعا قاراما-قارسى باعىتپەن كەتىپ قالادى. اۋا تەمپەراتۋراسى تۇندە 30-35 گرادۋس اياز بولعان.

«ابىروي بولعاندا، كولىك مۇلدەم جۇرمەيتىن جولمەن اعاش دايىندايتىن كاسىپورىننان جەرگىلىكتى تۇرعىنداردىڭ ءبىرى ۇيىنە قايتىپ كەلە جاتقان. ول بالانى كورىپ قالىپ، ۇيىنە جەتكىزگەن»، - دەدى اۋىل اكىمشىلىگىنىڭ قىزمەتكەرى گۇلنارا كاناۆسيەۆا.

قازىرگى تاڭدا مۇزدىڭ استىنا باتىپ كەتكەن ەر ادامنىڭ دەنەسى ىزدەستىرىلىپ جاتىر.