كاسىبي بوكس: ماسكەۋدە تاعى ەكى قازاقستاندىق جەڭىسكە جەتتى

الدىمەن الماتى وبلىسىندا تۋىپ- وسكەن كونستانتين برۋسەنسكي جارتىلاي جەڭىل سالماقتا كاسىبي بوكستاعى العاشقى كەزدەسۋىن رەسەيلىك داگير كاچاكايەۆپەن وتكىزدى.

بۇل كەزدەسۋ التى راۋندقا سوزىلۋى ءتيىس بولاتىن. كونستانتين وعان جەتكىزبەي، ەكىنشى راۋندتا-اق قارسىلاسىن سۇلاتىپ سالدى. نوكاۋت!

تاعى ءبىر قازاقستاندىق، 25 جاسار الماتىلىق الي بالويەۆ (7-0، 6 ك و) ءبىرىنشى اۋىر سالماقتا سەگىز راۋندتىق باسەكەدە نيگەريا ەلىنىڭ وكىلى افينني ابيودۋنمەن (6-1-1، 5 ك و) شەبەرلىك بايقاستى.

كەزدەسۋ بارىسىندا ا. بالويەۆتىڭ باسىمدىلىعى انىق بايقالىپ، ونىڭ اۋىر سوققىلارى ءالسىن- ءالسىن دارىپ جاتتى. اقىرى سەگىزىنشى راۋندتا وڭ قولىنىڭ سوققىسىمەن نيگەريالىق بوكسشىنى نوكاۋتقا جىبەردى.

ەسكە سالا كەتەيىك، بۇدان بۇرىن ايدوس ەربوسىن ۇلى مەن نۇرسۇلتان جاڭابايەۆتىڭ تيتۋلدىق جەكپە-جەكتەرىن جەڭىسپەن اياقتاعانىن جازعان بولاتىنبىز.