كوپشىلىكپەن ءتىل تابىسۋدىڭ تاسىلدەرى

ورتاعا جۇعىمدى بولۋ ءۇشىن مىناداي جايتتاردى ەستە ۇستاساڭىز ۇتىلمايسىز:

وزگە ادامدارعا ءمان بەرە قاراڭىز. مۇمكىندىگىنشە جيىرەك جىميعان ارتىقتىق ەتپەيدى. بۇل كەم دەگەندە ءوزىڭىز جايلى العاشقى جاعىمدى كوزقاراس قالىپتاسۋىنا جاعداي جاسايدى.

اداممەن اڭگىمەلەسكەندە ونى مۇقيات تىڭداۋعا تىرىسىڭىز. اسىرەسە، ول ءوزى تۋرالى ايتقاندا قىزىعۋشىلىق تانىتىپ قويىڭىز. بۇل ءسىزدىڭ جاقسى سۇحباتتاس بولۋىڭىزعا ىقپال ەتەدى. سۇحباتتاسىڭىزدىڭ ءوزىنىڭ ورنىن سەزىنۋىنە جاعداي جاساڭىز. مۇنىڭ ءبارىن جاساندىلىقپەن ەمەس، شىنايى جاساۋىڭىز كەرەك.

ەگەر ءوزىڭىز جۇرگەن ورتاداعى اداممەن الدەنەگە كەلىسە الماي قالساڭىز، وندا ايتىسىپ- تارتىسىپ اۋرە بولماڭىز. وزگەنىڭ كوزقاراسى مەن پىكىرىنە ءۇزىلدى- كەسىلدى قارسى شىقپاڭىز. ونى سىيلاي ءبىلىڭىز. وعان سەنىكى دۇرىس ەمەس دەگەن ءسوزدى باتتيتا ايتپاڭىز.

ەگەر وزىڭىزدىكى دۇرىس بولماسا، ونى شىن پەيىلىڭىزبەن ماقتاعانىڭىز دۇرىس. سۇحبات كەزىندە ءوزىڭىزدىڭ دوستىق پەيىلىڭىزدى ءبىرىنشى بولىپ سەزدىرىڭىز. سۇحباتتاسىڭىزدىڭ سوزدەرىڭىزبەن كەلىسۋىنە ءمان بەرىڭىز. ول ءبىرىنشى بولىپ «ءيا، ءيا» دەپ كەلىسىپ جاتسا، جارتى شارۋانىڭ بىتكەنى.

سۇحباتتاسىڭىزعا كوبىرەك سويلەۋگە مۇمكىندىك بەرىڭىز. بۇل سىزگە ونىمەن بىرلەسە جۇمىس ىستەۋگە جول اشادى. كەيبىر جاعدايلاردا ءوزىڭىزدى سۇحباتتاستىڭ ورنىنا قويىپ تا ۇيرەنىڭىز. سوندا ونى جەتىگىرەك تۇسىنەسىز.

وزگەلەردىڭ ويى مەن تىلەگىنە ءمان بەرە قاراڭىز. ىزگىلىك جاساۋعا ۇمتىلىڭىز. ءوز جوبا- جوسپارىڭىزدى ىشتە بۇكپەي، سىرتقا شىعارىڭىز.

وزگە ادامنىڭ قاتەلىگىن كورسەڭىز ونى بىردەن لاق ەتكىزبەي، ءبىرىنشى كەزەكتە ونىڭ ارتىقشىلىقتارىن شىن پەيىلىڭىزبەن ايتىپ، ماقتاي كەلە، جانامالاي جەتكىزىڭىز. ارينە، بىرەۋدى سىناماس بۇرىن ءوز بويىڭىزدا سول كەمشىلىكتەردىڭ بارى- جوعىن باعامداپ، بار بولسا جويىپ العانىڭىز ابزال. .. .جالپى، ورتاعا ۇنامدى بولۋ ءۇشىن كوپتەگەن نارسەلەردى ەستە ۇستاي ءجۇرۋ، مۇقيات بولۋ كەرەك.

دەرەككوز: zamana.kz