روزا رىمبايەۆا: مەيرامبەك بەسبايەۆ دەگەن ءانشى بار، ونىڭ تۇك داۋسى جوق
قازاقستاندىق انشىلەردىڭ كوپشىلىگىن ءسۇيىپ تىڭدايتىنىن جاسىرماعان روزا قۋانىش قىزى امىرە دەگەن اتپەن تانىلعان ەرناردى وتە كەرەمەت داۋىس يەسى دەپ ماقتاپ، ونىڭ ونەرىن جاقسى كورەتىنىن ايتتى. روزا حانىمنىڭ سوزىنشە، امىرە مۋزىكالىق تالعامى بيىك ليريك، رومانتيك ءانشى. سونداي-اق، ول قازىرگى ۋاقىتتا داۋسى كەرەمەت انشىلەردىڭ ءبىرى.
سونىمەن بىرگە، روزا اپايىمىز حالىقتىق اندەردى ورىنداپ جۇرگەن ايگۇل ەلشىبايەۆا مەن ەلميرا جاڭابەرگەنوۆا سىندى تەرمە ورىنداۋشىلارىن ءسۇيىپ تىڭدايىنىن دا ايتىپ ءوتتى.
ال، ەستاردا جۇلدىزدارىنىڭ ىشىندە كەرەمەت داۋسى بولماسا دا، جانى، مۋزىكالىق تالعامى ءۇشىن جاقسى كورەتىن انشىلەر دە بار ەكەنىن جاسىرمادى.
«مەيرامبەك بەسبايەۆ دەگەن ءانشى بار عوي، ونىڭ مۇلدە داۋسى جوق. مەن ونى قاتتى جاقسى كورەمىن. ونى بۇكىل حالىق جاقسى كورەدى. مەيرامبەكتى كەڭ دياپازونى ءۇشىن ەمەس، جاقسى مۋزىكالىق تالعامى، جانى ءۇشىن جاقسى كورەدى. مىنە، وسى انشىلەردىڭ داۋسى ورتاشا»، - دەدى روزا رىمبايەۆا.