سال-سەرىلەر سەرياسىنىڭ العاشقى كىتابى «اقان سەرى» جيناعى شىقتى
كتاپ «رۋحاني جاڭعىرۋ» باعدارلاماسى شەڭبەرىندە اقمولا وبلىسى اكىمدىگىنىڭ قولداۋىمەن «سال- سەرىلەر» سەرياسىمەن جارىق كوردى. كىتاپتىڭ قۇراستىرۋشىسى - جازۋشى- دراماتۋرگ، قازاقستاننىڭ ەڭبەك سىڭىرگەن قايراتكەرى جابال ەرعاليەۆ.
كىتاپتا اقان سەرى قورامسا ۇلىنىڭ ولەڭدەرى، ايتىستارى توپتاستىرىلىپ بەرىلىپ وتىر.
ەسكە سالا كەتەيىك، بيىلعى جىلى «رۋحاني جاڭعىرۋ» باعدارلاماسى شەڭبەرىندە اقمولا وبلىسى اكىمدىگىنىڭ قولداۋىمەن اكادەميك، باتىر ءارى عالىم مالىك عابدۋلليننىڭ 11 تومدىعى، «مالىك عابدۋللين- قازاقتىڭ وقجەتپەسى»، «جەر ءجانناتى- اقمولا» فوتوالبومدارى، ساكەن ءجۇنىسوۆتىڭ «زاماناي مەن امانايى» لوندوندا اعىلشىن تىلىندە، قادىرجان ءابۋوۆتىڭ كىتاپتارى جانە جاقىندا جابال ەرعاليەۆتىڭ «الەمگە! عارىشقا! بولاشاققا جول اشقان تۇڭعىش!» اتتى كىتابى باسىلىپ شىعارىلدى.
ايتا كەتەيىك، وسىعان دەيىن كوكشەتاۋدا «جەر ءجانناتى - AQMOLA» جيناعى جارىق كورگەندىگىن جازعان بولاتىنبىز.