قازاقستاننىڭ «سوڭعى مۇعالىمى» تۇركيادان جۇلدەمەن ورالدى
كينوتۋىندىنى ق ر مادەنيەت جانە سپورت مينيسترلىگىنىڭ تاپسىرىسى بويىنشا ش. ايمانوۆ اتىنداعى «قازاق فيلم» كينوستۋدياسى تۇسىرگەن. فيلمدە جۋاس حيميا ءپانىنىڭ مۇعالىمى ەرجان قايدار ۇلىنىڭ ءومىرى باياندالادى. ونىڭ ساباقتارىندا وقۋشىلار ۇنەمى شۋلاپ وتىرادى. ءبىر كۇنى جوعارعى سىنىپ وقۋشىلارىنان ءجابىر كورگەن ۇلىن قورعاماق بولعان ۇستاز ولارمەن كۇرەسپەك بولادى.
«بۇل فەستيۆال اۋقىمدى بايقاۋلاردىڭ ءبىرى. وعان يران، قىرعىزستان، تۇركيا، فرانسيا، يتاليا، بەلگيا جانە شۆەتسيا سىندى ەلدەردىڭ فيلمدەرى قاتىستى. وسى فەستيۆالگە قاتىسقاننىڭ ءوزى جەڭىس دەپ سانايمىن. فەستيۆال ۇيىمداستىرۋشىلارى مەن قوناقتارى قازاق كينوسىنا ەرەكشە قىزىعۋشىلىق تانىتتى»، - دەدى رەجيسسەر الەن راحمەتاليەۆ.
ايتا كەتسەك، Dostluk Kısa Film Festival كينوفەستيۆالى دوستىققا نەگىزدەلگەن، ادامزات پەن عالامنىڭ اراسىنداعى بايلانىستى ناسيحاتتايتىن كينونىڭ بارلىق جانرى مەن فورماتىن ءوز اۋديتوريسىنا ۇسىناتىن بىردەن ءبىر فەستيۆال بولىن سانالادى.
