بايقوڭىردان «پروتون-م» زىمىرانى ۇشىرىلدى

بۇل تۋرالى ت ا س س اگەنتتىگى ر ف قورعانىس مينيسترلىگىنىڭ اقپارات جانە بۇقارالىق كوممۋنيكاتسيا دەپارتامەنتىنە سىلتەمە جاساپ حابارلادى.

«جۇما، 21- جەلتوقسان كۇنى ساعات 6:20 دا (ماسكەۋ ۋاقىتىمەن 03 ساعات 20 مينۋت) بايقوڭىر عارىش ايلاعىنان (قازاقستان) رەسەي قورعانىس مينيسترلىگىنىڭ مۇددەسىندەگى عارىش اپپاراتى بار اۋىر ساناتتاعى «پروتون-م» زىمىران تاسىعىشى ءساتتى ۇشىرىلدى»، - دەلىنگەن دەپارتامەنت حابارلاماسىندا.

سونداي-اق ءمالىم ەتىلگەندەي، «پروتون-م» زىمىران تاسىعىشىنىڭ باستى بولىگىنىڭ ءۇشىنشى ساتىدان اجىراۋى شتاتتىق رەجىمدە ءوتتى.

عارىش اپپاراتىن «بريز-م» ۇدەتكىش بلوگىمەن وربيتاعا شىعارۋ پروتسەسى بىرنەشە ساعاتقا سوزىلادى.