بەرىك نەكە اڭىز ەمەس

ءبىراق تاجىريبەلى پسيحولوگتار بارلىق جۇپتارعا ارنالعان بىرنەشە ماڭىزدى كەڭەس ۇسىنادى.

1. ءمىنسىز سەرىك بولمايدى جاقسى نەكە ءمىنسىز كۇيەۋدىڭ نەمەسە ءمىنسىز ايەلدىڭ ارقاسىندا جاسالمايدى. ەگەر ولاي بولسا، تەك بىرەگەي ادامدار عانا ۇيلەنەر ەدى نەمەسە ءجۇبايلاردىى ءبىرى ءمىنسىز وتباسى ۇزاققا بارماس ەدى. بەرىك نەكە ءوزارا ۇيلەسىمدى قوس سەرىكتەن قۇرالادى جانە ءبىرى ەكىنشىسىنىڭ جاقسى جاعىن ىزدەپ تۇرادى. ءوزارا قولداۋ، قۇرمەت، كەشىرىم - وتباسىنداعى ەڭ ماڭىزدى قاسيەتتەر.

2. سەرىگىڭىز سىزگە بارلىق الەمدى الماستىرمايدى كوپتەگەن جۇپتاردا نەكەلىك قاتىناس تۋرالى اقيقاتقا ساي كەلمەيتىن قيالي ويلارى بولادى. ولاردىڭ ويىنشا، نەكەلىك قاتىناس جان دۇنيەسىندەگى قۋىستى تولتىرادى نەمەسە كۇل تالقانى شىققان ءومىرىن ءبىرتۇتاس قىلىپ جيناپ بەرەدى. ەگەر كۇيەۋگە شىعاردا سەرىگىڭىز ءسىزدىڭ كۇيەۋىڭىز، دوسىڭىز، ۇستازىڭىز، اتا- اناڭىزدى الماستىرۋشى جانە ت. ب بولادى دەپ ويلاساڭىز، كوڭىلىڭىز قالادى. بارلىق جاعدايدا تەك كۇيەۋىڭىزگە سۇيەنۋدىڭ قاجەتى جوق، سىزدە دوستار، وتباسى جانە وزىندىك «مەنىڭىز» بولۋى كەرەك.

3. نە ەكسەڭ، سونى وراسىڭ! قاتىناسقا ۋاقىت پەن كۇش ءبولىپ، ونىمەن جۇمىس ىستەسەڭىز، جەمىسىن كورەسىز. بولىپ جاتقان جاعدايلاردى مىندەتتى تۇردە سەرىگىڭىزبەن اقىلداسىپ، ءبولىسۋ كەرەك. ەگەر كوڭىلىڭىز تولماسا، ونى دا ىشتە ساقتاماي، سابىرلىقپەن سەرىگىڭىزگە جەتكىزگەن ءجون. وتباسىداعى قارىم- قاتىناستى جاڭارتۋعا 5 كەڭەس

4. نەكە - ينۆەستيسيا ءسىزدىڭ ەموتسيالىق بايلانىسىڭىز (مەيىرىمدىلىك كورسەتۋ، قولداۋ، تاڭقالۋ، قۇرمەتتەۋ) قانشالىقتى جوعارى بولسا، ەموتسيا بانكىندە سونشالىقتى جاعىمدى «جارنالار» بولادى. ەگەر ماڭىزدى كۇندەردى ۇمىتساڭىز، سەرىگىڭىزبەن كەڭەسپەي شەشىم قابىلداساڭىز، بانك بوساي باستايدى. سوندىقتان، وتباسىلىق ءومىرىڭىزدى جاقسى ەستەلىكتەرمەن تولىقتىرىڭىز.