جىلدىڭ ۇزدىك سپورت جۋرناليستەرى انىقتالدى

بۇگىن ق ر مادەنيەت جانە سپورت مينيسترلىگىندە بايقاۋ قورىتىندىلانىپ، جەڭىمپازداردىڭ ەسىمدەرى جاريالاندى.

«جىل سايىن ءداستۇرلى تۇردە ۇيىمداستىرىلىپ كەلە جاتقان بايقاۋعا بيىل ەلىمىزدىڭ ءار وڭىرىنەن 15 ۇمىتكەر قاتىستى. ولاردان گازەت جانە سايت بەتتەرىندە جارىق كورگەن 167 ماقالا، 11 تەلەۆيزيالىق ماتەريال، 3 دەرەكتى فيلم مەن 2 كىتاپ كەلىپ ءتۇستى»، - دەلىنگەن كوميتەت اقپاراتىندا.

قازىلار القاسىنىڭ شەشىمىمەن سىيلىققا «قازاق سپورتى» گازەتىنىڭ ءتىلشىسى ءمادينا اسىلبەك، «قارماقشى تاڭى» گازەتىنىڭ جۋرناليسى نۇرباي ءجانادىلوۆ جانە «Qazsport» ارناسىنىڭ ءتىلشىسى ەرمەك تورەنيازوۆ لايىقتى دەپ تانىلدى.

سپورت جۋرناليستەرىنىڭ ۇزدىگىن انىقتاۋ قىدىربەك رىسبەك، ءدۇرالى دۇيسەباي، امان سەيىتقانوۆ، نۇرعازى ساسايەۆ سەكىلدى جۋرناليستيكا سالاسىنىڭ مايتالماندارىنا تاپسىرىلدى.

جەڭىمپازدار «سەيداحمەت بەردىقۇلوۆ اتىنداعى سىيلىقتىڭ لاۋرەاتى» ارنايى توسبەلگىلەرىمەن ماراپاتتالىپ، ديپلومدار مەن اقشالاي سىيلىقتارعا يە بولادى»، - دەپ اتاپ ءوتتى كوميتەتتەن.