قىتايدا سۇندەتكە وتىرماق بولعان ەر ادام وتا ءۇشىن ءجۇز ەسە ارتىق اقشا تولەۋگە ءماجبۇر بولدى

بۇل تۋرالى The Straits Times باسىلىمىنا سىلتەمە جاساپ Stan.kz حابارلايدى.

ەر ادام بارعان جەكەمەنشىك كلينيكادا سۇندەتتەۋ باعاسى 800 يۋان (43 مىڭ تەڭگەدەن اسا) تۇرادى ەكەن. دارىگەرلەر پاتسيەنتتى قاراعاننان كەيىن، ونىڭ اعزاسىندا 3 سارىسۋلى ىسىك بار ەكەنىن انىقتاپ، ولاردى الىپ تاستاۋ كەرەكتىگىن ايتقان.

دارىگەرلەر سول جەردە ەر ادامعا وتا جاساپ، 80 مىڭ يۋان (4 ميلليون 300 مىڭ تەڭگەدەن اسا) كورسەتىلگەن شوتتى ۇسىنىپتى. وندا سۇندەتتەۋدەن بولەك، سارىسۋلى ىسىكتى الىپ تاستاۋ ءۇشىن جاسالعان وتا باعاسى قوسىلعان ەكەن.

ءوز كەزەگىندە ەر ادام بيلىككە شاعىمدانعان. تەكسەرىستەن كەيىن، جەكەمەنشىك كلينيكا ەسكەرتۋ الدى. سونىمەن قاتار ونى ليتسەنزياسىنان ايىرىپ، 52 مىڭ يۋان (2 ميلليون 800 مىڭ تەڭگەدەن اسا) كولەمىندە ايىپپۇل تولەۋدى مىندەتتەدى.