كۇندىزگى ۇيقى پايدالى ما؟

عالىمداردىڭ ايتۋىنشا، تۇسكى ۇيقى جۇرەك- قان تامىرلارى اۋرۋلارىنان بولاتىن ءولىمدى ازايتادى، مي جانە كورۋ جۇمىسىن جاقسارتادى، اعزانى قالپىنا كەلتىرەدى. ول ءۇشىن قالاي دۇرىس ۇيىقتاۋ كەرەك؟

ۇيىقتاۋدىڭ ماقساتىن انىقتاڭىز

ەگەر قالىپقا كەلگىڭىز كەلسە، كەشكە باياۋ ۇيقى فازاسىندا كوز جۇمىپ الىڭىز.

كۇش جيناپ الۋ ءۇشىن ءبىر جارىم ساعات جەتكىلىكتى. ال ەگەر شىعارماشىلىق سەرگەكتىك كەرەك بولسا، كۇندىز ۇيىقتاپ العان ءجون. جىلدام ۇيقى فازاسى شامامەن ءبىر ساعاتتى الادى. قىسقا ۇيقىدان (20 مينۋت) دا پايدا بار: ول ۇيقىسىزدىقتىڭ سالدارىنان قۇتىلۋعا كومەكتەسەدى. ودان سوڭ ازىراق ۇيقىلى بولا تۇسەسىز، ال باسىڭىز الداعى ەكى ساعات بويى جاقسىراق جۇمىس ىستەيدى.

نەشەدە جاتقان دۇرىس؟

ۇيقىعا ارنالعان جاقسى ۋاقىت - 14:00-دەن 16:00-گە دەيىنگى ارالىق، بۇل كەزدە باياۋ جانە جىلدام ۇيقى فازالارى تەڭەسەدى. ياعني، تاڭەرتەڭگى ۇيقىدان تۇرعاننان كەيىن 6-8 ساعاتتان سوڭ جاتۋ كەرەك. ءبىراق ەگەر ۇيقىڭىز كەلمەسە، ءوزىڭىزدى ارنايى ماجبۇرلەۋدىڭ قاجەتى جوق.

ونىڭ ورنىنا كوفە ىشسە، نە بولادى؟

كاليفورنيادا ءبىر كەسە كوفە مەن كۇندىزگى ۇيقىنى سالىستىرعان.

ۇيقى ەستە ساقتاۋدىڭ جۇمىسىن جاقسارتاتىندىعىن، ال كوفەين ونى ناشارلاتادى نەمەسە تىپتەن، اسەر ەتپەيتىندىگىن انىقتاعان.

ەندەشە، تۇندە ۇيىقتاماۋعا بولا ما؟

تولىققاندى تۇنگى ۇيقىنى ەشتەڭە اۋىستىرا المايدى. عالىمدار «كوپ فازالىق ۇيقى» ءادىسىن دە قولدامايدى. مىسالى، لەوناردو دا ۆينچي ءار 4 ساعات سايىن 15-20 مينۋتتان ۇيىقتايتىن بولعان. وسىلاي ۇيىقتاماي جۇرۋگە بولادى دەپ ساناعان، ءبىراق عالىمدار بۇل تەوريانى جوققا شىعاردى.