ماڭعىستاۋدا قازاقى باۋىرساق پىسىرۋدەن بايقاۋدا كارىستەر جەڭىمپاز اتاندى
سايىسقا قاتىسقان ءار ۇلت وكىلى، اس اتاسىن بىرنەشە ءتۇر-ءتۇرىن دايىنداپ اكەلگەن. ءبىرى دامىمەن ەرەكشەلەنسە، ءبىرى ءپىشىنىن وزگەرتكەن. كارىس ۇلتى باۋىرساقتىڭ 8 ءتۇرىن كورمەگە قويىپتى.
«قازاقتىڭ ۇلتتىق تاعامدارىنىڭ ءبىرى باۋىرساق كورمەسى ءوتىپ جاتىر. اس اتاسى نان دەمەكشى، باۋىرساق پەن قوسا ۇلتتىق تاعامنان دا ازىرلەپ اكەلدىك. داستارحان ۇستىندە نان تۇرسا بىزدە ءبارى جاقسى بولاتىنى ءسوزسسىز. ەلىمىز امان، جۇرتىمىز تىنىش بولعاي»، - دەيدى كارىس ە م ب ءتورايىمى رايسا مادەنوۆا.
باۋىرساقتان بولەك، وزگە ەتنومادەني وكىلدەرى ۇلتتىق تاعامدارىن دا تانىستىردى.
سايىسقا تۇسكەن 20 ەتنومادەني وكىلدەرىنىڭ دايىنداعان ءدامدى باۋىرساقتارى باعالانىپ، 1-، 2- جانە 3- ورىن العاندار ماراپاتتالدى. ءبىرىنشى ورىن كارىس ەتنومادەني وكىلدەرىنە بۇيىرسا، ەكىنشى ورىندى، باۋىرساقپەن ءتۇشپارانى ءدامدى دايىنداعان بەلارۋس ۇلتىنىڭ وكىلدەرى جەڭىپ الدى. ءۇشىنشى ورىنعا قاراقالپاق ەتنومادەني بىرلەستىگىنىڭ داستارحانى لايىق دەپ تانىلدى.
