استانا جاستارى جۇمىسقا ورنالاسۋ جونىندە اقىل-كەڭەس الا الادى
استانا. قازاقپارات - 20 -جەلتوقسان كۇنى استانا قالاسى اكىمدىگىنىڭ «استانا جاستارى» مەكەمەسى «جۇمىسپەن قامتۋ جانە الەۋمەتتىك باعدارلاما جول كارتاسىن» جۇزەگە اسىرۋ اياسىندا جەرگىلىكتى اتقارۋشى ورگان وكىلدەرىنىڭ قاتىسۋىمەن جاستارعا كونسۋلتاتسيالىق كومەك كورسەتۋ بويىنشا ءىس- شارا ۇيىمداستىرادى.
بۇل تۋرالى ۆەدومستۆونىڭ باسپا ءسوز قىزمەتىنە سىلتەمە جاساي وتىرىپ، قازاقپارات حابارلايدى.
ءىس-شارا «ازيا پارك» ساۋدا ورتالىعىندا جۇمىسكەرلەر مەن ساۋدا ورتالىعىنىڭ كەلۋشىلەرى ءۇشىن وتكىزىلەدى. ءاربىر ازامات كوكەيىندەگى سۇراعىن قالالىق قوعامدىق دەنساۋلىق ساقتاۋ باسقارماسى، «ازاماتتارعا ارنالعان ۇكىمەت» مەملەكەتتىك كورپوراتسياسى»، جۇمىسپەن قامتۋ ورتالىعى، مەدياتسيانى دامىتۋ ورتالىعى جانە تاعى باسقا مەكەمە وكىلدەرىنە قويا الادى. سونىمەن قاتار، كاسىبي زاڭگەر مەن پسيحولوگ مامان كونسۋلتاتسيا جۇرگىزەدى.
«ءىس-شارانى وتكىزۋدەگى ماقسات - جاستاردى قازىرگى ۋاقىتتا جۇزەگە اسىرىلىپ جاتقان جانە جاستارعا باعىتتالعان مەملەكەتتىك باعدارلامالارمەن تانىستىرۋ جانە قالا تۇرعىندارىنا جەكە سۇراقتار بويىنشا اقىل- كەڭەس بەرۋ» دەلىنگەن حابارلامادا.
ايتا كەتەيىك، كونسۋلتاتسيا ەرتەڭ ساعات 15:00-دە «ازيا پارك» ساۋدا جانە ويىن-ساۋىق ورتالىعىندا وتەدى.