الماتى اكىمدىگى كولىكتەر جىلدامدىعىن ازايتۋ قاجەتتىلىگىن ءتۇسىندىردى
«ورتاشا ەسەپپەن الەمدە جول-كولىك وقيعاسى سالدارىنان كۇن سايىن 4 مىڭ ادام كوز جۇمادى، 55-تەن 137 مىڭعا جۋىق ادام جاراقات الىپ، مۇگەدەك بولىپ قالادى. دۇنيەجۇزىلىك دەنساۋلىق ساقتاۋ ۇيىمىنىڭ ستاتيستيكاسى بويىنشا، جول اپاتتارىنان العان جاراقاتتار بالالار مەن 29 جاسقا دەيىنگى جاستار ءولىمىنىڭ نەگىزگى سەبەبى بولىپ وتىر. جوعارى جىلدامدىق - جاياۋ جۇرگىنشىلەر، ۆەلوسيپەدشىلەر مەن موتوتسيكلشىلەر ءۇشىن جاراقات الۋ ءقاۋپىنىڭ نەگىزگى فاكتورى»، - دەيدى ەرلان اۋكەنوۆ.
اكىم ورىنباسارىنىڭ اتاپ وتۋىنشە، وسى جىلدىڭ 11 ايىندا الماتى قالاسىندا 4203 جول اپاتى تىركەلىپ، قازا تاپقانداردىڭ سانى - 121، زارداپ شەككەندەر 5 مىڭ ادامعا جەتكەن.
«ءولىم جاعدايىمەن اياقتالاتىن جول-كولىك وقيعالارىنىڭ دەنى 60-80 ك م/ساعات جوعارى جىلدامدىق رەجىمى ەنگىزىلگەن جولداردا (ءال-فارابي، تولە ءبي، رايىمبەك، رىسقۇلوۆ، سايىن، مومىش ۇلى، شىعىس اينالما جولى جانە باسقالار) تىركەلەدى.
اسىرەسە، رايىمبەك داڭعىلى (277 جول-كولىك وقيعاسى، 353 ادام جاراقات الدى، 12 ادام قازا بولدى)، رىسقۇلوۆ داڭعىلى (147 جول-كولىك وقيعاسى، 217 ادام جاراقات الدى، 11 ادام اجال قۇشتى)، سولتۇستىك اينالما جولى (147 جول اپاتى، 174 ادام جاراقات الدى، 11 ادام مەرت بولدى) ، مومىش ۇلى (105 جول اپاتى، 130 ادام جاراقات الدى، 3 ادام قازا بولدى)، سايىن (80 جول- كولىك وقيعاسى، 91 ادام جاراقات الدى، 4 ادام اجال قۇشتى)، ءال-فارابي داڭعىلى (60 جول- كولىك وقيعاسى، 72 ادام جاراقاتتاندى، 4 ادام كوز جۇمدى) كوشەلەرىندە جول- كولىك وقيعالارى كوبىرەك تىركەلگەن»، - دەيدى ول.
ەرلان اۋكەنوۆ سونداي-اق، ماكسيمالدى جىلدامدىق تومەندەتىلگەن ءبىرقاتار ەلدەردە (وڭتۇستىك افريكا، بەلگيا، فينليانديا، فرانسيا، ۇلى بريتانيا، گەرمانيا، ا ق ش جانە جاڭا زەلانديا) اپاتتاردىڭ سانى ازايعانى بەلگىلى بولعانىن ايتادى.
«ماسەلەن، مينسك قالاسىندا بىرنەشە جىلدار بويى باسقا دا شارالارمەن بىرگە، جىلدامدىقتى ازايتۋ ارقىلى جول- كولىك وقيعالارى مەن جاراقاتتاردى 6 ەسەگە ازايتۋعا جانە قالانى ەۋروپانىڭ ەڭ ءقاۋىپسىز ايماعىنا اينالدىرۋعا قول جەتكىزىلگەن»، - دەيدى ول.
ونىڭ ايتۋىنا قاراعاندا، اۆتوكولىكتەردىڭ جىلدامدىعى 30 ك م/ساع بولعان جاعدايدا جاياۋ جۇرگىنشىلەردىڭ 90 پايىزىنىڭ امان قالۋ مۇمكىندىگى بار.
«كولىك جۇرگىزۋشىلەرىنىڭ تەرىس كوزقاراسىنا قاراماستان، جىلدامدىق ءليميتىن تومەندەتۋ الماتىدا جىل سايىن جۇزدەگەن ادامنىڭ ءومىرىن ساقتاپ قالۋعا، مىڭداعان ادامنىڭ مۇگەدەك بولىپ قالۋىنىڭ الدىن الاۋعا مۇمكىندىك بەرەدى»، - دەيدى ول.
اۆتورى مايا تەڭىزبايەۆا