قازاقپارات پەن «استانا» تەلەارناسى ۇسىنادى: اقمەشىت ۇڭگىرىنىڭ سىرى

استانا. قازاقپارات - «قازاقپارات» ح ا ا مەن «استانا» تەلەارناسىنىڭ «عاجايىپ قازاقستان» بىرلەسكەن جوباسى اياسىنداعى ۆيدەوچەرەكتىڭ كەلەسى ءبولىمى - اقمەشىت ۇڭگىرى كورەرمەنگە جول تارتتى.

بۇل جولى ءتۇسىرۋ توبى تۇركىستان وبلىسى بايدىبەك اۋدانى كەڭەستوبە اۋىلىنان 7 شاقىرىم جەردە ورنالاسقان اقمەشىت ۇڭگىرىندە بولىپ قايتقان ەدى. قاراتاۋ سىلەمدەرىنىڭ قىراتىندا ورنالاسقان بۇل ەرەكشە ورىن - ورتالىق ازياداعى ەڭ ۇلكەن ۇڭگىردىڭ ءبىرى. ونىڭ جالپى اۋماعى - تابانىنان ەسەپتەگەندەگى بيىكتىگى 30-32 مەتردى، ەنى 62, ۇزىندىعى 164 مەتردى الىپ جاتىر.

ۇڭگىر ءىشى مەشىتتىڭ كۇمبەزىنە ۇقساعاندىقتان اقمەشىت ۇڭگىرى اتالسا كەرەك. حالىق اراسىندا «ايداھار ۇڭگىرى» دەپ تە ايتادى. ونىڭ ىشىندەگى تاستاردىڭ ورنالاسۋ بەدەرلەرى دە كوركەم. اۋاسى دا ەرەكشە ءارى ادام اعزاسىنا شيپالى ەكەن.

ۇڭگىرگە قاتىستى باسقا دا قىزىقتى دەرەكتەردى، ونىڭ قاسيەتى مەن كەرەمەتتىگى تۋرالى اڭگىمەنى فيلمنەن تاماشالاي الاسىزدار.

ەسكە سالا كەتەيىك، «قازاقپارات» ح ا ا مەن «استانا» تەلەارناسىنىڭ «عاجايىپ قازاقستان» اتتى بىرلەسكەن جوباسى - بۇل قازىرگى قازاقستاننىڭ قۇپياسى اشىلماعان تابيعاتى، تىلسىم كۇشكە جانە شەشىلمەگەن جۇمباققا تولى عاجايىپ ورىندارى، سونداي- اق جاراتىلىسى ەرەكشە ادامدار. ەلىمىزدىڭ بارلىق وڭىرلەرىنەن سىر شەرتەتىن بىرەگەي ۆيدەووچەرك 25 بولىمنەن تۇرادى.

ءتۇسىرۋ توبى قازاقستاننىڭ ءار تۇكپىرىندە بولىپ، شالعاي اۋىلدارداعى ادامدارمەن تىلدەستى. قۇس قاناتى عانا جەتەتىن تۇمسا تابيعاتتى تاسپاعا ءتۇسىردى. ولاردىڭ اراسىندا شىعىس قازاقستان وبلىسىنداعى «قيىن كەرىش» شاتقالى، «اۋستريا يرەگى» تاۋ جولى، پاۆلودار وبلىسىنداعى باياناۋىل قورىعى، جامبىل وبلىسىنداعى توپاعاش، وڭتۇستىك قازاقستان وبلىسىنداعى اقمەشىت ۇڭگىرى سەكىلدى تابيعات ەسكەرتكىشتەرىن اتاپ وتۋگە بولادى.

سونىمەن قاتار، ءومىر جولى وزگەگە ۇلگى بولارلىق قاراپايىم تۇرعىندار دا فيلمنىڭ باستى كەيىپكەرى اتاندى. شىندىعىندا، بۇنداي جانداردىڭ ءاربىرىنىڭ تاعدىرى تۇتاستاي ءبىر فيلمگە ارقاۋ بولا الادى.

 بۇدان بولەك، تەحنولوگيانىڭ سوڭعى جەتىستىكتەرىن مەڭگەرگەن ينجەنەر، تابىستى كاسىپكەر، ۇلتتىق ونەردى ناسيحاتتاۋشىلار - بۇلار دا ءفيلمنىڭ كەيىپكەرلەرى. «قازاقپارات» ح ا ا مەن «استانا» تەلەارناسى جۇزەگە اسىرعان بۇل ۆيدەووچەرك جۇرت كوڭىلىنەن شىعادى دەگەن ويدامىز. ويتكەنى «عاجايىپ قازاقستان» - ەستەتيكالىق تالعامى جوعارى كورەرمەن ءۇشىن پايدالى اقپاراتقا تولى تانىمدىق دۇنيە!