ءۇي يەسى مەكەنجايىنا تىركەلگەن بوگدە ادامدى ءوز بەتىنشە تىركەۋدەن شىعارا الادى
بۇگىنگى كۇنى دەرەكتەر بازاسىندا م ت ك بويىنشا مەكەنجاي مالىمەتتەرى ەلىمىزدىڭ 8,7 ميلليون ازاماتىندا بار «ەلەكتروندى ۇكىمەت» پورتالى ارقىلى تىركەۋ ەسەبىنەن شىعارۋ بويىنشا قىزمەت ەنگىزىلىپ وتىر.
بۇل ءاربىر جىلجىمايتىن مۇلىككە «ەلەكتروندى ءۇي كىتاپشاسىن» قۇرۋعا مۇمكىندىك بەردى. قازىرگى ۋاقىتتا ءوزىنىڭ مەكەنجاي مالىمەتتەرىن ءار ازامات قانا ەمەس، تۇرعىن ءۇي يەسى دە ح ق و نەمەسە «ەلەكتروندى ۇكىمەت» ۆەب-پورتالىنا جۇگىنە وتىرىپ، ءوز مەكەنجايىندا تىركەلگەن ادامداردى تىركەۋدەن شىعارا الادى. سونىمەن بىرگە، مەكەنجاي بويىنشا تىركەلگەندەر تۋرالى انىقتاما بەرۋ كەزىندە ماسەلەلەر تۋىنداپ جاتىر.
وسىلايشا، انىقتامادا تۇرعىن ءۇيدى العانعا دەيىن تىركەلگەن ادامدار (ونىڭ ىشىندە قايتىس بولعاندار، رەسپۋبليكادان تىس جەرلەرگە كەتكەندەر) كورسەتىلۋدە.
بۇل ماسەلەلەر وتپەلى كەزەڭدە پايدا بولدى جانە بۇل ۋاقىتشا سيپاتقا يە. وسىعان بايلانىستى قايتىس بولعانداردى، قازاقستان رەسپۋبليكاسىنان تىس جەرلەرگە تۇراقتى تۇرۋعا كەتكەندەردى، قازاقستان رەسپۋبليكاسىنىڭ ازاماتتىعىنان شىققانداردى تىركەۋدەن اۆتوماتتى تۇردە شىعارۋ جۇمىسى جۇرگىزىلۋدە.
بۇگىنگى كۇنى تۇرعىن ءۇي يەسى ۇيىندە تۇرمايتىن ادامداردى ح ك و، «ەلەكتروندىق ۇكىمەت» ۆەب-پورتالى ارقىلى، سونداي-اق ەگەر «ەلەكتروندىق ۇكىمەت» پورتالىنىڭ موبيلدى ازاماتتار بازاسىندا تۇرعىن ءۇي يەسىنىڭ موبيلدى تەلەفون نومەرى تىركەلگەن جاعدايدا ءبىر رەتتىك پارولدىڭ كومەگىمەن تىركەۋدەن شىعارا الادى.