12:19, 09 - جەلتوقسان 2018 | GMT +5
كەنگۋرۋدى قاتىگەزدىكپەن پىشاقتاعان ازامات تۇرمەگە جابىلدى
استانا. قازاقپارات - كەنگۋرۋدى اسا قاتىگەزدىكپەن پىشاقتاعان اۋستراليالىق تۇرمەگە جابىلدى.
بۇل تۋرالى 8- جەلتوقساندا ABC حابارلادى.
مالىمەتتەرگە قاراعاندا ەر ادام ءوزىنىڭ جاۋىزدىق ارەكەتىن ۆيدەوعا تۇسىرگەن. ول كەنگۋرۋدى ماشيناسىمەن قۋىپ جەتىپ، 20 رەت پىشاق سالعان، ارتىنشا ولگەن جانۋاردىڭ باسىنان سوققان.
ول وسى ارەكەتى ءۇشىن تەرگەۋ يزولياتورىندا وتكىزگەن ۋاقىتىن قوسا 12 اي مەرزىمگە باس بوستاندىعىنان ايىرىلدى.
ياعني، اۋستراليالىق ازامات تۇرمەدە بەس اي عانا قاماۋدا بولادى.