دۋبايدا سۋدا قالقىپ جۇرەتىن سۋپەرماركەت اشىلدى

استانا. قازاقپارات - دۋبايداعى پارسى شىعاناعىنىڭ جاعالاۋىندا «Carrefour» حالىقارالىق جەلىسىنىڭ سۋدا قالقىپ جۇرەتىن الەمدەگى العاشقى سۋپەرماركەتى جۇمىس ىستەي باستادى، دەپ حابارلايدى Arabian Business.

شاعىن ساۋدا نۇكتەسى ءبىرىنشى كەزەكتە قايىقتار مەن سۋ موتوتسيكلدەرىندە ءجۇزىپ جۇرگەن ادامدارعا ارنالعان. ول ءۇش جاعاجايدىڭ قول جەتەرلىك ايماعىندا ورنالاسقان.

مۇندا ساتىپ الۋشىلارعا شامامەن 300 تاۋاردىڭ اتاۋى ۇسىنىلىپ وتىر. وندا ءتۇرلى سۋسىندار، جەڭىل تاماق، بالمۇزداق، جەكە گيگيەنا زاتتارىن جانە كەيبىر مەديتسينالىق پرەپاراتتاردى ساتىپ الۋعا بولادى.

ارنايى تەرەزەگە ءجۇزىپ كەلگەن كليەنت، قاجەتتى ازىق-تۇلىكتەر تىزىمىنە تاپسىرىس بەرىپ، ودان كەيىن قاجەتتى تاۋارىن الىپ كەتە الادى. ەگەر قايىق دۇكەنگە جاقىنداي الماسا، ونىڭ جولاۋشىلارى ءتيىستى زاتتارعا تەلەفون ارقىلى تاپسىرىس بەرگەن سوڭ، تاۋار 45 مينۋتتىڭ ىشىندە بورتقا جەتكىزىلەدى.