جولاۋشى تولى اۆتوبۋس شاتقالعا قۇلاپ كەتتى

استانا. قازاقپارات - ءۇندىستان شىعىسىنداعى تريپۋرا شتاتىندا اۆتوبۋس شاتقالعا قۇلاپ، سونىڭ سالدارىنان كەم دەگەندە 30 ادام جاراقات العان، دەپ حابارلايدى قازاقپارات NDTV تەلەارناسىنا سىلتەمە جاساپ.

تەلەارنانىڭ حابارىنا قاراعاندا، جول اپاتى بۇگىن تاڭەرتەڭ دحالاي وكرۋگىندە بولعان. اپات سالدارى ازىرگە بەلگىسىز. جەرگىلىكتى مەديتسينالىق قىزمەت وكىلدەرىنىڭ ايتۋىنشا، 30 جولاۋشىنىڭ 22 ءسى حال ۇستىندە جاتىر.

قازىر ولارعا اۋرۋحانادا كومەك كورسەتىلۋدە. قازا تاپقاندار تۋرالى اقپارات جوق. شتاتتىڭ باس ءمينيسترى بيپلاب كۋمار دەب زارداپ شەككەندەر جاتقان اۋرۋحاناعا بارعان.

ونىڭ ايتۋىنشا، قۇلاعان اۆتوبۋس جولاۋشىلارىنىڭ ەم-دومىنا كەتەتىن قاراجاتتى ۇكىمەت ءوز موينىنا الادى.