الماتىدا اقشا ايىرباستاۋ پۋنكتىنە ۇرى ءتۇستى

الماتى. قازاقپارات - الماتىدا ەر ادام «موسكۆا» ساۋدا ورتالىعىنداعى اقشا ايىرباستاۋ پۋنكتىن توناماق بولعان، دەپ حابارلايدى قازاقپارات ءتىلشىسى.

قالالىق پوليتسيا دەپارتامەنتىنىڭ رەسمي وكىلى سالتانات ازىربەكتىڭ ايتۋىنشا، قازىر توناۋ دەرەگى بويىنشا ءىس قوزعالدى.

«جەدەل توپ تەرگەۋ جۇرگىزىپ جاتىر. ەر ادام توناۋ نيەتىمەن كەلگەن. قولىندا قارۋ بولماعان. ول ەشتەڭە الا الماعان»، - دەدى سالتانات ازىربەك.

كۇدىكتىنىڭ ۇستالعان-ۇستالماعانى جايلى ازىرگە بەلگىسىز.