قازاقستاندىق نوكاۋتشى كەزەكتى جەكپە- جەگىنە دايىندالىپ ءجۇر

استانا. قازاقپارات - جەڭىلىستىڭ نە ەكەنىن بىلمەيتىن قازاقستاندىق بوكسشى، جارتىلاي ورتا سالماقتا ونەر كورسەتەتىن باقتيار ەيۋبوۆ (14-0, 12 ك و) نيۋ- يورك (ا ق ش) قالاسىندا جاتتىعۋىن جالعاستىرىپ جاتىر، دەپ حابارلايدى قازاقپارات Sports.kz كە سىلتەمە جاساپ.

«باحا- وق» دەگەن اتپەن تانىلعان بوكسشى Instagram پاراقشاسىندا Fight Factory Gym زالىنداعى جاتتىعۋىنىڭ ۆيدەوسىن جاريالادى. قازاقستاندىق بوكسشىنىڭ كەلەسى جەكپە- جەگىن ءدال قاي كۇنى وتكىزەتىنى ازىرگە بەلگىسىز.

سوڭعى رەت ەيۋبوۆ 22 - ماۋسىم كۇنى دەترويتتا (ميچيگان شتاتى، ا ق ش) رينگكە شىققان. سول جەكپە- جەكتە جەرگىلىكتى بوكسشى نيكولاس گيۆەندى (21-2-1, 11 ك و) جەتىنشى راۋندتا تەحنيكالىق نوكاۋتپەن جەڭگەن بولاتىن.

سودان كەيىن باقتيار كانادالىق يۆ ۋليسس (16-1, 9 ك و) پەن ا ق ش بوكسشىسى ميككەل لەسپەردى (20-0-1, 9 ك و) رينگكە شاقىرعان.