بەلگىلى بيزنەسمەن قازاقستان بوكس فەدەراتسياسىنىڭ ۆيتسە-پرەزيدەنتى بولىپ سايلاندى
بوكس فەدەراتسياسىنىڭ جاڭا ۆيتسە- پرەزيدەنتى بۇگىن فەدەراتسيا جۇمىسىنىڭ جىلدىق قورىتىندىسىنا بايلانىستى استانادا وتكەن جيىندا تانىستىرىلدى. ال وعان دەيىن اتالمىش قىزمەتتى الماسادام ساتقاليەۆ اتقارعان بولاتىن.
اتاپ وتەرلىگى، 2018 -جىلى ەلىمىزدە ءبىرىنشى وتاندىق بوكس ۇيىمىنىڭ قۇرىلعانىنا تۋرا 85 جىل تولىپ وتىر.
بۇگىنگى جيىندا ق ب ف- نىڭ اتقارۋشى ديرەكتورى بەكجان بەكتەنوۆ اتاپ وتكەندەي، 2018 -جىلى بوكستان ەرلەر ۇلتتىق قۇراماسى 17 حالىقارالىق تۋرنيردەن وتكەن. 18- ءداستۇرلى - عالىم جارىلعاپوۆ اتىنداعى حالىقارالىق تۋرنير وسى ايدىڭ ورتاسىنا قاراي وتكىزىلەدى. بيىلعى سايىستاردىڭ ەڭ ماڭىزدىسى رەتىندە قازاقستان پرەزيدەنتى كۋبوگى مەن ازيا ويىندارىن اتاپ وتۋگە بولادى.
استانادا 5-10 -ماۋسىم ايلارىندا وتكەن قازاقستان پرەزيدەنتى كۋبوگىندا 15 ەلدىڭ بوكسشىلارى قاتىسقان. قازاقستان كومانداسى ول تۋرنيردە 10 التىن مەدال يەلەندى. جاكارتادا وتكەن ازيا ويىندارىندا قازاقستان بوكسشىلارى ەكى كۇمىس مەدال (ءابىلقان امانقۇل مەن اسلانبەك شىمبەرگەنوۆ) الدى.