13:29, 04 - جەلتوقسان 2018 | GMT +5
قانات يسلامنىڭ پروموۋتەرلىك كومپانياسى استانادا العاش بوكس كەشىن وتكىزەدى
استانا. قازاقپارات - 16 جەلتوقسان كۇنى استانا قالاسىنداعى «داۋلەت» سپورت سارايىندا قانات يسلامنىڭ پروموۋتەرلىك كومپانياسى استانادا العاش بوكس كەشىن وتكىزەدى، دەپ حابارلايدى قازاقپارات ءتىلشىسى.
بوكس كەشىندە ايدار شارىبايەۆ، ەلشات نىعىمەتوللا ۇلى، اسحات ۋاليحانوۆ، ابىلايحان قۇسايىنوۆ جانە رۋسلان مىرساتايەۆ شارشى الاڭعا شىعادى.
بوكسشىلاردىڭ قارسىلاستارى الداعى كۇندەرى بەلگىلى بولادى.
بوكس كەشى «QAZAQ promotions» پروموۋتەرلىك كومپانياسىنىڭ ۇيىمداستىرۋىمەن وتەدى.
ايتا كەتەيىك، «QAZAQ promotions» پروموۋتەرلىك كومپانياسىن قازاقتىڭ تانىمال كاسىپقوي بوكسشىسى قانات يسلام امەريكادا اشاقان بولاتىن. اتالعان پروموۋتەرلىك كومپانيا امەريكانىڭ ءىرى پروموۋتەرلىك كومپانيالارىمەن بىرلەسىپ، ۇلكەن بوكس كەشتەرىن ۇيىمداستىرۋعا باعىتتالعان.
اۆتور: كۇنسۇلتان وتارباي