العاش رەت «التىن دوپ» ايەلگە تابىس ەتىلدى

استانا. قازاقپارات - فرانسيانىڭ «ليونا» كومانداسى مەن نورۆەگيا قۇراماسىنىڭ ويىنشىسى ادا حەگەربەرگ ايەلدەر اراسىنداعى العاشقى «التىن دوپ» يەگەرى اتاندى، دەپ حابارلايدى قازاقپارات.

حەگەربەرگ پاريجدە Ballon d'Or تابىستاۋ كەزىندە - France Football جۋرنالىنىڭ تۇجىرىمى بويىنشا ۇزدىك فۋتبولشىعا «التىن دوپتى» تابىستاۋ كەزىندە وسى ماراپاتقا يە بولدى.

بيىل حەگەربەرگ چەمپيوندار ليگاسىنىڭ جەڭىمپازى اتاندى جانە كومانداسىمەن بىرگە فرانسيا چەمپيوناتىندا جەڭىسكە جەتتى.

ەسكە سالايىق، ەرلەر اراسىندا «التىن دوپتى» يسپانيالىق «رەال مادريدتىڭ» جارتىلاي قورعاۋشىسى جانە حورۆاتيا قۇراماسىنىڭ ويىنشىسى لۋكا مودريچ يەلەنگەن ەدى.