كىشكەنتاي قازاق قىزى ماسكەۋدە سۇلۋلىق بايقاۋىنىڭ جەڭىمپازى اتاندى
بالاقاي قۋانىشتى جاڭالىعىمەن ءوزىنىڭ Instagram پاراقشاسىندا جاريالاعان.
«الاقاي! ءتاج قازاقستانعا كەلە جاتىر»، - دەپ جازعان ايدا.
كىشكەنتاي بالاقاي تۋعان-تۋىستارىنا، دوستارىنا، سونىمەن قاتار بايقاۋ ۇيىمداستىرۋشىلارىنا جانە ArtLine مودەلدىك اگەنتتىگىنە العىسىن بىلدىرگەن.
جەلى قولدانۋشىلارى قازاقستاندىق كىشكەنتاي پاتشايىمدى جەڭىسىمەن قۇتتىقتاعان.
«ءبىزدىڭ ماقتانىشىمىز!»، «التىن قىز! جارايسىڭ!»، «ءارقاشان جەڭىس تۇعىرىنان كورىن»، «ۇزدىكسىڭ»، «بۇل سەنىڭ جەڭىسىڭ. قۇتتىقتايمىز!»، «جەڭەتىنىڭە سەنگەن ەدىك»، «ءومىرىڭ تەك جەڭىستەردەن تۇرسىن»، «جارايسىڭ!»، دەپ تىلەگىن جاۋدىردى ولار.
«eKaraganda» اقپاراتى بويىنشا، ايشا وزىنە جاڭا ماقسات قويىپتى. ەندى ول «الەم ارۋى» بايقاۋىنا قاتىسۋعا دايىندالادى. ايتا كەتەيىك، ول «Mini miss Karaganda 2018» بايقاۋىنىڭ جەڭىمپازى.
«ArtLine» مودەلدىك اگەنتتىگى باسشىسىنىڭ سوزىنشە، ايشا جەتى جاستا بولعانىنا قاراماستان ءان سالا الادى، كۇيساندىقتا وينايدى، سونىمەن قاتار جاقسى سۋرەت سالىپ، ولەڭ وقيدى.
«Mini miss grand prix Russia 2018» بايقاۋىنا ءۇش پەن 13 جاس ارالىعىنداعى قىزدار قاتىسقان.