قازاقستان قۇراماسىنا ەۋروپا چەمپيوناتىنا شىعاتىن كەز كەلدى - قايرات بورانبايەۆ
كەشە يرلانديا استاناسى دۋبليندە EURO-2020 ىرىكتەۋ كەزەڭىنىڭ جەرەبەسى تارتىلدى. ونىڭ ناتيجەسى بويىنشا قازاقستان قۇراماسى بەلگيا، رەسەي، شوتلانديا، كيپر جانە سان- مارينومەن بىرگە Іتوبىنا ءتۇستى.
رەسمي شاراعا قازاقستاندىق مەتسەنات، بيزنەسمەن، الماتىلىق «قايرات» كلۋبىنىڭ يەسى قايرات بورانبايەۆ قاتىستى. دۋبليندە، جەرەبە تارتۋ راسىمىنەن تىس، ەكى كۇن بويى ۋەفا اتقارۋ كوميتەتىنىڭ وتىرىسى بولادى. قازاقستان فۋتبول فەدەراتسياسى اتقارۋ كوميتەتىنىڭ مۇشەسى ءارى ق ف ف حالىقارالىق بايلانىستار كوميتەتىنىڭ باسشىسى رەتىندە قايرات بورانبايەۆ بىرنەشە ىسكەرلىك كەزدەسۋ وتكىزدى.
«ۇلتتىق فۋتبول فەدەراتسيالارى قاشاندا فۋتبول جانە ونى دامىتۋ ماسەلەلەرىن تالقىلاۋعا اشىق. بۇگىن ۋەفا 2024 -جىلعا دەيىنگى دامۋ ستراتەگيالىق جوسپارى مەن تالداۋىن تانىستىردى. وعان ۋەفا پرەزيدەنتى الەكساندر چەفەرينمەن بىرگە ۇيىمعا مۇشە ۇلتتىق قاۋىمداستىقتاردىڭ ءبارى قاتىستى»، - دەدى ق. بورانبايەۆ.
- جەرەبە قورىتىندىلارى تۋرالى پىكىرىڭىز قانداي؟ قازاقستان قۇراماسى بەلگيا جانە رەسەي كوماندالارىمەن ءبىر توپقا ءتۇستى. قازاقستان قۇراماسىنىڭ قاي ورىندى يەلەنۋگە شاماسى كەلەدى؟ توپتان شىعۋعا باستى ۇمىتكەرلەر كىمدەر؟
- ءبىزدىڭ قۇراماعا ايتۋلى ناتيجەلەرگە قول جەتكىزەتىن، ەۋروپا چەمپيوناتىنا باراتىن ۋاقىت جەتتى. مەنىڭشە، قازىر قازاقستاندىق فۋتبولشىلاردىڭ جاقسى بۋىنى ءوسىپ جەتىلگەن. ولار الدىنا قويىلعان مىندەتتەردى شەشىپ، قاجەتتى ناتيجەگە قول جەتكىزۋگە شاماسى كەلەدى. قازاقستان قۇراماسى فۋتبولشىلارىنىڭ الدىنا، ەگەر ولار قازاق فۋتبولىنىڭ تاريحىندا ءىز قالدىرعىسى كەلسە، بارىنشا كوپ مىندەت قويۋ قاجەت.
ەۋرو-2020 ىرىكتەۋ كەزەڭىنىڭ توپتارى:
A توبى: انگليا، چەحيا، بولگاريا، چەرنوگوريا، كوسوۆو
B توبى: پورتۋگاليا، ۋكراينا، سەربيا، ليتۆا، ليۋكسەمبۋرگ
C توبى: نيدەرلاندى، گەرمانيا، سولتۇستىك يرلانديا، ەستونيا، بەلارۋس
D توبى: شۆەيتساريا، دانيا، يرلانديا، گرۋزيا، گيبرالتار
E توبى: حورۆاتيا، ۋەلس، سلوۆاكيا، ۆەنگريا، ازەربايجان
F توبى: يسپانيا، شۆەتسيا، نورۆەگيا، رۋمىنيا، فارەرسك ارالدارى، مالتا
G توبى: پولشا، اۆستريا، يزرايل، سلوۆەنيا، ماكەدونيا، لاتۆيا
H توبى: فرانسيا، يسلانديا، تۇركيا، البانيا، مولدوۆا، اندوررا
I توبى: بەلگيا، رەسەي، شوتلانديا، كيپر، قازاقستان، سان- مارينو
J توبى: يتاليا، بوسنيا جانە گەرتسەگوۆينا، فينليانديا، گرەتسيا، ارمەنيا، ليحتەنشتەين
ەۋروپا چەمپيوناتىنىڭ فينالدىق كەزەڭىنە ءار توپتىڭ ۇزدىك ەكى كومانداسى جولداما الادى. 20 جولداما وسىلاي انىقتالسا، قوسىمشا ويىندار ارقىلى تاعى ءتورت قۇراما بەلگىلى بولادى.
بۇعان دەيىن حابارلاعانىمىزداي، ۋەفا فۋتبولدان 2020 -جىلعى ەۋروپا بىرىنشىلىگى ىرىكتەۋ كەزەڭىنىڭ ويىن كۇنتىزبەسىن جاريالادى. وعان سايكەس، قازاقستان ىرىكتەۋ كەزەڭىن ءوز الاڭىندا باستايتىن بولدى. ءبىزدىڭ قۇراما 21 - قاراشادا شوتلانديامەن كەزدەسەدى.