مەكسيكادا جاڭا پرەزيدەنتتى ۇلىقتاۋ ءراسىمى ءوتتى

 استانا. قازاقپارات - مەكسيكادا جاڭا سايلانعان پرەزيدەنت اندرەس مانۋەل لوپەس وبرادوردى ۇلىقتاۋ ءراسىمى ءوتىپ، ول پرەزيدەنتتىك قىزمەتىنە رەسمي تۇردە كىرىستى.

سالتاناتتى شارا پارلامەنت عيماراتىندا ءجۇردى. حالىققا ارناپ ءسوز سويلەۋ كەزىندە وبرادور مەملەكەت ءۇشىن 16 ساعاتتان جۇمىس ىستەپ، سىبايلاس جەمقورلىق پەن قىلمىستى جويۋعا ۋادە ەتتى. وسىدان كەيىن مەحيكونىڭ ورتالىعىنداعى سوكالو الاڭىندا سالتاناتتى شارا بولدى. ونى كورۋگە ەلدىڭ ءار تۇكپىرىنەن 70 مىڭنان استام ادام كەلدى.

ەسكە سالا كەتەيىك، اندرەس مانۋەل لوپەس وبرادور بيىل شىلدە ايىندا وتكەن پرەزيدەنتتىك سايلاۋدا جەڭىسكە جەتكەن بولاتىن. ول بۇل قىزمەتتە ەنريكە پەنيا نەتونى اۋىستىرىپ، مەكسيكانى 2024 -جىلعا دەيىن باسقارادى. جالپى، لوپەس وبرادور - سوڭعى بىرنەشە ونجىلدىقتا مەكسيكانىڭ پرەزيدەنتى بولىپ تۇرعان سولشىل كوزقاراستى ساياساتكەر.

www.24.kz