قىتاي مەن ا ق ش جاڭا ساۋدا كەلىسىمىن جاساۋعا ۋاعدالاستى
«ترامپتىڭ رەسپۋبليكالىق پارتياداعى قىزمەتتەستەرى، ينۆەستورلار، بۇكىل الەمدىك ەكونوميكا اسىعا كۇتكەن كەلىسىمگە بۋەنوس- ايرەستەگى ىسكەرلىك كەشكى اس كەزىندە قول جەتكىزىلدى»، - دەپ جازادى باسىلىم.
ا ق ش پرەزيدەنتى قىتايدىڭ جالپى قۇنى 200 ميلليارد ا ق ش دوللارىنا دەيىنگى ونىمدەرىنە قويىلاتىن تاريفتى 2019 -جىلعى 1 - قاڭتاردان باستاپ 10 پروتسەنتتەن 25 پروتسەنتكە دەيىن ارتتىرماۋعا كەلىستى. دەگەنمەن، ەگەر تاراپتار ءۇشايلىق موراتوريي كەزىندە كەلىسىمشارت جاساسپاسا، كەلەر جىلدىڭ قاڭتارىنان باستاپ كەدەندىك باج ءتاريفى % 25 دەيىن شارىقتايتىن بولادى.
قىتاي تاراپى ا ق ش- تان اۋىلشارۋاشىلىق ونىمدەرىن، ەنەرگيا تاسىعىشتاردى، ونەركاسىپتىك جانە باسقا دا تاۋارلاردى ساتىپ الۋعا كەلىستى. ساتىپ الۋ كولەمى ۇلكەن بولاتىنى بەلگىلى، ءبىراق ناقتى سيفرلار ازىرگە انىق ەمەس.
ترامپ پەن شي جينپيڭ امەريكالىق تەحنولوگيالار، كيبەرشابۋىلدار جانە كيبەرتوناۋشىلىق سالالارىنداعى پروبلەمالاردى شەشۋ ءۇشىن كەلىسسوزدەردى باستاۋعا كەلىستى.
«بۇل، ا ق ش پەن قىتاي اراسىنداعى ىنتىماقتاستىققا شەكسىز مۇمكىندىكتەر اشاتىن ءتيىمدى كەزدەسۋ بولدى. مەن ءۇشىن ءتوراعا شي جينپيڭمەن جۇمىس ىستەۋ ۇلكەن قۇرمەت»، - دەدى ترامپ كەزدەسۋدەن كەيىن.
ساراپشىلاردىڭ ايتۋىنشا، ا ق ش پەن قىتاي ك ح د ر يادرولىق باعدارلاماسى جونىندەگى ىنتىماقتاستىق جانە قىتايدان ا ق ش- قا وپيويدتىك انالگەتيك فەناتيلدى زاڭسىز تاسىمالداۋدى شەكتەۋ سالاسىندا ايتارلىقتاي جەتىستىككە قول جەتكىزىلگەن.
Washington Post باسىلىمىنىڭ جازۋىنشا، بيىل ۆاشينگتون مەن بەيجىڭ اراسىندا «ساۋدا سوعىسى» باستالعان بولاتىن. ا ق ش قىتايدان يمپورتتالاتىن، جالپى قۇنى 200 ميلليارد ا ق ش دوللارىن قۇرايتىن تاۋارلارعا %10 مولشەرىندە كەدەندىك باج ەنگىزگەن. قىتاي دا بۇعان جاۋاپ رەتىندە بىرنەشە شارالار قاراستىرعان بولاتىن.