ۇلتتىق ۇلان جاۋىنگەرلەرى ءوز مىندەتتەرىن ابىرويمەن اتقارا بەرمەك- گەنەرال- مايور

ورال. قازاقپارات - ۇلتتىق ۇلان جاۋىنگەرلەرى ەل تىنىشتىعىن قورعاۋدا ءوز مىندەتتەرىن ابىرويمەن اتقارا بەرمەك. بۇل تۋرالى ق ر ۇلتتىق ۇلانى «باتىس» وڭىرلىك قولباسشىسى، گەنەرال- مايور الىبەك سەراليە ايتتى، دەپ حابارلايدى قازاقپارات ءتىلشىسى.

ونىڭ ايتۋىنشا، قازاقستان حالقى تۇڭعىش پرەزيدەنت كۇنىن وسىمەن جەتىنشى رەت تويلاپ وتىر.

 تۇڭعىش پرەزيدەنت كۇنى - ەلباسى جەتىستىكتەرى مەن جەڭىستەرىن ۇلىقتايتىن، وسكەلەڭ ۇرپاققا ناعىز ەلجاندىلىق پەن وتانسۇيگىشتىكتىڭ، ازاماتتىق پەن ۇلىلىقتىڭ ۇلگىسىن كورسەتەتىن كۇن.

 ەلىمىزدە تاتۋلىق پەن بىرلىكتىڭ، كەلىسىم مەن تۇسىنىستىكتىڭ ورناۋى، حالقىمىزدىڭ زور تابىستارعا جەتۋى - ەلباسىنىڭ سارابدال، دانا ساياساتىنىڭ جەمىسى. سول سەبەپتى دە كەمەڭگەر كوشباسشىمىزدىڭ قوعام ومىرىنە ارناعان ەرەن ەڭبەگىن باعالاي ءبىلۋ - بارشامىزدىڭ پارىزىمىز.

 «وسى ورايدا ايرىقشا نازار اۋدارا ايتارىم، ەلباسى ن. نازاربايەۆ تاۋەلسىزدىك الىسىمەن قۇقىقتىق ءتارتىپتى قامتاماسىز ەتۋگە ءجىتى كوڭىل بولە وتىرىپ، ەگەمەندىك دەكلاراتسياسى جاريالانعاننان كەيىن نەبارى 26 كۇننەن سوڭ العاشقى كۇش- قۋات ورگانى رەتىندە ىشكى اسكەردى قۇرعانى ءبىز ءۇشىن ماقتانىش جانە مەملەكەت تاراپىنان كورسەتىلگەن ايرىقشا سەنىم دەپ بىلەمىن. مىنە، ءبىزدىڭ جاۋىنگەرلىك تاريحىمىز دا ءدال سول 1992 -جىلعى 10 - قاڭتاردان باستاۋ الادى»، - دەدى گەنەرال- مايور.

سول كەزدەن باستاپ ىشكى اسكەردىڭ جەكە قۇرامى العا قويىلعان تاپسىرمالاردى لايىقتى تۇردە ورىنداپ، ءار ازاماتتىڭ كونستيتۋتسيالىق قۇقىعى مەن قاۋىپسىزدىگىن، قوعام قۇندىلىقتارىن، مەملەكەت تىنىشتىعىن ءقاۋىپ- قاتەرلەردەن قورعاۋ باعىتىندا ءوز قىزمەتتەرىن بارىنشا مۇلتىكسىز اتقارىپ كەلەدى.

ەلىمىزدىڭ قۇقىق قورعاۋ ورگاندارى جۇيەسىنە كىرەتىن كەشەگى ىشكى اسكەر، بۇگىنگى ۇلتتىق ۇلان وسى 26 جىل ىشىندە زامان تالاپتارىنا ساي تولىق، جان- جاقتى قالىپتاسىپ بولدى دەپ ايتۋعا ابدەن نەگىز بار.

ەلباسى، ق ر قارۋلى كۇشتەرىنىڭ جوعارعى باس قولباسشىسى نۇرسۇلتان نازاربايەۆ ءبىر سوزىندە: «قارۋلى كۇشتەردىڭ نەگىزى - وفيتسەرلەر، سەرجانتتار، ياعني ءوز ءومىرىن سانالى تۇردە وتانىنا قىزمەت ەتۋگە ارناعان ادامدار. تاربيەلىك جانە پاتريوتتىق جۇمىستاردى جەتىلدىرۋ، سولداتتان گەنەرالعا دەيىنگى قۇرامنىڭ مورالدىق رۋحىن كۇشەيتۋ جونىندە قوسىمشا شارالار قابىلداۋ قاجەت»، دەگەن بولاتىن. وسى ورايدا ۇلتتىق ۇلان جاۋىنگەرلەرى الدىندا حالىقتى قىلمىس اتاۋلىدان قورعاي وتىرىپ، قۇقىقتىق ءتارتىپتى قامتاماسىز ەتۋ مىندەتى تۇر.

«مەملەكەت باسشىسى «ۇلى دالانىڭ جەتى قىرى» اتتى ماقالاسىندا جىلقىنىڭ العاش رەت قازاق دالاسىندا قولعا ۇيرەتىلگەنىن، اتتى اسكەردىڭ ءوز زامانىندا ايبارلى بولعاندىعىن اتاپ كورسەتكەن ەدى. بۇگىنگى ۇلتتىق ۇلان جاۋىنگەرلەرى دە سول اتا- بابامىزدىڭ ەرلىك داستۇرىنە ساي بولۋ كەرەكتىگىن ەشقاشان ۇمىتپايدى»، دەپ تۇيىندەدى ءسوزىن ءا. سەراليەۆ.

اۆتور: ەلجان ەرالى