پرەزيدەنت ءبىلىم بەرۋگە ىنتالاندىرۋ تەتىكتەرىن كۇشەيتۋدى تاپسىردى
«STEAM- ءبىلىم بەرۋدى بەلسەندى ەنگىزۋ كەرەك. ياعني ول جاراتىلىستانۋ عىلىمدارىن، تەحنولوگيالاردى، ينجەنەريا مەن ماتەماتيكانى بىلدىرەدى. بۇل پاندەر زاماناۋي الەمدە تالاپ ەتىلىپ كەلەدى»، - دەپ توقتالدى ەلباسى.
وسى ورايدا پرەزيدەنت اتالعان باعىتتارعا ەرەكشە كوڭىل ءبولۋدىڭ ارقاسىندا ونەرتاپقىشتار مەن جاڭالىقتاردى اشۋعا بەيىم ۇرپاق قالىپتاسىپ كەلە جاتقانىن اتاپ ءوتتى.
«ءدال وسى بۋىن بولاشاقتا ەلدىڭ باسەكەگە قابىلەتتىلىگىنىڭ ارتۋىنا ىقپال ەتەدى. وزدەرىڭىز بىلەسىزدەر، 2050-جىلعا قاراي قازاقستاننىڭ ەڭ دامىعان 30 ەلدىڭ قاتارىنا ەنۋى ماقساتىن قويدىم. بۇل تۇرعىدا وقۋشىلاردى دايارلاۋدى ىنتالاندىرۋ تەتىگىن كۇشەيتىپ، ءبىلىم ينتەگراتسياسىن قامتاماسىز ەتۋ قاجەت»، - دەدى نۇرسۇلتان نازاربايەۆ.
سونىمەن قاتار پرەزيدەنت جاستار شەت تىلدەرىن مەڭگەرۋگە كوڭىل ءبولۋى كەرەكتىگىن اتاپ ءوتتى.