قازاقستاندىقتاردىڭ زەينەتاقى قورىندا قانشا قاراجاتى بار؟
بۇل، وتكەن جىلدىڭ سايكەس كەزەڭىمەن سالىستىرعاندا 1,5 تريلليون تەڭگەگە كوپ، دەپ حابارلايدى قازاقپارات.
ءبىرىڭعاي جيناقتاۋشى زەينەتاقى قورىنان ءمالىم ەتكەندەي، ءبىر جىل ىشىندەگى ءوسىم 19 پايىزدى قۇرادى.
«ال 2018-جىلدىڭ باسىنان بەرگى ءوسىم 1,3 تريلليون تەڭگەنى نەمەسە 16 پايىزدى قۇرادى. زەينەتاقى جيناقتارىنىڭ باسىم بولىگى مىندەتتى زەينەتاقى جارنالارى ەسەبىنەن قالىپتاسىپ، ولاردىڭ سوماسى 8,9 تريلليون تەڭگەگە جەتتى. 2018-جىلدىڭ 1- قاراشاسىنا قاراي شارتتاردىڭ بارلىق تۇرلەرى بويىنشا جەكە زەينەتاقى شوتتارىنىڭ سانى 10,3 ميلليون بىرلىكتى قۇرادى. ونىڭ ىشىندە مىندەتتى زەينەتاقى جارنالارى ەسەبىنەن اشىلعان شوتتار 9,8 ميلليون بىرلىك، مىندەتتى كاسىپتىك زەينەتاقى جارنالارىن ەسەپكە الۋ بويىنشا ج ز ش سانى 472,5 مىڭ بىرلىك، ال ەرىكتى زەينەتاقى جارنالارى بويىنشا 46 مىڭ بىرلىك بولدى»، - دەلىنگەن قور اقپاراتىندا.
ون اي ىشىندە قور سالىمشىلارىنىڭ شوتتارىنا ەسەپتەلگەن تازا ينۆەستيتسيالىق تابىس 715,6 ميلليارد تەڭگەگە جەتتى. وتكەن جىلدىڭ سايكەس كەزەڭىندە بۇل سوما 457,7 ميلليارد تەڭگەنى قۇراعان بولاتىن. ءبىر جىل ىشىندەگى ءوسىم - 56 پايىز.
ەسكە سالايىق، بۇعان دەيىن قازاقستاندىقتاردىڭ زەينەتاقى اكتيۆتەرى قايدا ينۆەستيتسيالانىپ جاتقانى تۋرالى جازعان بولاتىنبىز.
ب ج ز ق 2013-جىلعى 22- تامىزدا «گ ن پ ف» ج ز ق» اق نەگىزىندە قۇرىلدى. ب ج ز ق قۇرىلتايشىسى جانە اكسيونەرى - ق ر قارجى مينيسترلىگىنىڭ «مەملەكەتتىك مۇلىك جانە جەكەشەلەندىرۋ كوميتەتى» م م ارقىلى قازاقستان رەسپۋبليكاسىنىڭ ۇكىمەتى. ب ج ز ق زەينەتاقى اكتيۆتەرىن سەنىمگەرلىكپەن باسقارۋدى ق ر ۇلتتىق بانكى جۇزەگە اسىرادى. 2016-جىلعى 1- قاڭتاردان باستاپ زەينەتاقى اكتيۆتەرىن باسقارۋ تيىمدىلىگىن ارتتىرۋ بويىنشا ۇسىنىستار جاساۋ قىزمەتى ۇلتتىق قوردى باسقارۋ كەڭەسىنە بەرىلدى.