اۋا رايى: سەنبى كۇنى ەلىمىزدىڭ باسىم بولىگىندە اياز بولادى
كاسىپورىن تاراتقان مالىمەتتەرگە قاراعاندا، تەك رەسپۋبليكانىڭ سولتۇستىك-باتىس، سولتۇستىك جانە وڭتۇستىك-شىعىسىندا عانا اتوموسفەرالىق فرونتالدى بولىكتەردىڭ وتۋىنە بايلانىستى قار جاۋادى، كەي جەرلەرگە قالىڭ قار ءتۇسىپ، جەل، جاياۋ بۇرقاسىن بولۋى ىقتيمال. سونداي-اق تۇمان ءتۇسىپ، كوكتايعاق بولادى.
جامبىل وبلىسىنىڭ ءبىرقاتار اۋماقتارىندا جەل سەكۋندىنا 15-20 مەتر جىلدامدىقپەن ۇيتقىپ، تۇندە ەكپىنى 23 م/س- قا جەتەدى. كەي جەرلەرگە تۇمان تۇسەدى، كوكتايعاق، جاياۋ بۇرقاسىن بولادى.
شىعىس قازاقستان وبلىسىندا جەلدىڭ جىلدامدىعى سەكۋندىنا 15-20 مەتر، ەكپىنى 25 م/س بولادى، كەي جەرلەردە جاياۋ بۇرقاسىن بولادى دەگەن بولجام بار.
الماتى وبلىسىنىڭ كەي جەرلەرىندە جەلدىڭ جىلدامدىعى 17-22 م/س بولادى. كەي جەرلەرگە تۇمان تۇسەدى، كوكتايعاق، جاياۋ بۇرقاسىن بولادى.
تۇركىستان، تاڭەرتەڭ جانە كۇندىز اقمولا وبلىسىنىڭ ءبىرقاتار ايماقتارىندا جەلدىڭ جىلدامدىعى 15-20 م/س- كە جەتەدى. تۇمان ءتۇسىپ، جاياۋ بۇرقاسىن بولۋى ىقتيمال.
قوستاناي وبلىسىنىڭ كەي جەرلەرىندە جەل 15-20 م/س جىلدامدىقپەن سوعادى، تۇمان تۇسەدى، جاياۋ بۇرقاسىن بولادى.
سولتۇستىك قازاقستان، قاراعاندى وبلىستارىنىڭ كەي جەرلەرىندە جەل 15-20 م/س جىلدامدىقپەن ۇيتقيدى، جاياۋ بۇرقاسىن بولادى.
ماڭعىستاۋ، كۇندىز اتىراۋ وبلىستارىنىڭ كەي جەرلەرىندە جەلدىڭ جىلدامدىعى 15-20 م/س- قا جەتەدى.
قىزىلوردا، باتىس قازاقستان وبلىستارىنىڭ كەي جەرلەرىندە تۇمان كۇتىلەدى.