استانادا «التىن ساقا» رەسپۋبليكالىق تۋرنيرى وتەدى
تۋرنير ساعات 11:00 دە باستالادى.
«بۇل جارىس ءداستۇرلى تۇردە ەكىنشى رەت وتكىزىلىپ وتىر. جارىسقا اسىق اتۋ سپورتىنان قازاقستان قۇراما كومانداسىنىڭ، وبلىستىق كوماندالار مۇشەلەرى جانە ويىنعا قىزىعۋشىلىق تانىتقان دايىندىعى جانە مەديتسينالىق انىقتاماسى بار سپورتشىلار قاتىسادى. جارىس بەستابان (ەرلەر) ، بەس اسىق نەمەسە قاقپاقىل (ايەلدەر) ەرەجەسى بويىنشا وتەدى» ، - دەپ حابارلايدى ق ر مادەنيەت جانە سپورت مينيسترلىگى سپورت كوميتەتىنەن.
جارىسقا ەلىمىزدىڭ وڭىرلەرىنەن كەلگەن اسىق اتۋدان بىرنەشە دۇركىن چەمپيوندارى، حالىقارالىق تۋرنيرلەردىڭ جەڭىمپازدارى قاتىسادى دەپ كۇتىلۋدە. جارىسقا مەديتسينالىق انىقتاماسى بار 17 جاستان اسقان سپورتشىلار قاتىستىرىلادى. جۇلدە قورى - 2 ميلليون تەڭگە.
تۋرنيردى قازاقستان رەسپۋبليكاسىنىڭ مادەنيەت جانە سپورت مينيسترلىگى، ۇلتتىق سپورت تۇرلەرى قاۋىمداستىعى، اسىق اتۋ فەدەراتسياسى ۇيىمداستىرىپ وتىر.