دۇنيەجۇزىلىك بانك وكىلى تەڭگە باعامىنا قاتىستى پىكىر ءبىلدىردى
«سوڭعى ءۇش جىلدا ەلەۋلى رەفورما بولعانىن كورىپ وتىرمىز، كەيبىر بانكتەر بىرىگىپ جاتسا، ءبىرشاماسى نارىقتان كەتۋگە ءماجبۇر بولدى. ياعني، رەفورمالار باستالعانىمەن، قانداي دا ءبىر ناتيجەلەر كورىنىپ، جۇزەگە اسۋى ءۇشىن بەلگىلى ءبىر ۋاقىت كەرەك. مەنىڭ ويىمشا، الداعى كەزدە وڭتايلى وزگەرىستەردىڭ ناتيجەسى كورىنەدى»، - دەدى ول استانادا قۇقىقتىق مادەنيەتتى كوتەرۋ تاقىرىبىنداعى جيىن بارىسىندا تىلشىلەرگە جاۋاپ بەرە وتىرىپ.
ساراپشىنىڭ اتاپ وتۋىنشە، تولىقتاي قالپىنا كەلۋ پروتسەسى تۋرالى ايتۋ ءۇشىن، نەسيەلەر نارىققا قايتا ورالعان كەزەڭدى كۇتۋ كەرەك.
«شىن مانىندە قازاقستان نارىعى ايتارلىقتاي ۇلكەن ەمەس، الايدا ول ورتالىق ازياعا، جالپى ەۋرازيا نارىقتارىنا شىعۋعا قولايلى بولىپ وتىر. وسى كەڭ مۇمكىندىكتەر شەتەل بانكتەرىنىڭ قىزىعۋشىلىعىن تۋعىزادى، سايكەسىنشە، اۋقىمدى ءوڭىر ءۇشىن قازاقستان قارجىلىق حاب جانە قارجى ورتالىعى بولا الادى»، - دەدى اتو براۋن.
مۇنىمەن قوسا، ول تەڭگەنىڭ ەركىن باعامىنا قاتىستى پىكىر ءبىلدىردى.
«بۇل شەشىم قاجەت بولعاننان كەيىن قابىلداندى. سوندىقتان وسى باعىتتاعى دۇرىس شارالار قازاقستانعا ءوزىنىڭ باسەكەگە قابىلەتىن ساقتاپ قالۋعا، حالىقارالىق نارىقتا جاعدايدى تۇزەۋگە جول اشتى. جالپى، قازىرگى كەزدە ەركىن باعامنىڭ اۋىتقۋىن شەكتەۋ كەرەك. بۇعان يمپورتتى ازايتۋ ارقاسىندا قول جەتكىزۋگە بولادى. قازاقستاندا جەكە ءوندىرىسىن، ەكسپورتىن ارتتىرۋعا بارلىق مۇمكىندىكتەر بار. بۇل ءوز كەزەگىندە يمپورتقا تاۋەلدىلىكتى تومەندەتۋگە ىقپال ەتەدى»، - دەپ ءتۇيدى دۇنيەجۇزىلىك بانك وكىلى.
بۇدان بۇرىن حابارلانعانداي، دۇنيەجۇزىلىك بانكتىڭ تۇراقتى وكىلى اتو براۋن قازاقستاندا ج ءى ءو ءوسىمى بويىنشا بولجامداعى كورسەتكىشتەردىڭ جوعارىلاۋىنا بايلانىستى پىكىر ءبىلدىردى.