ماڭعىستاۋدى قىزىل قاسقىرلار جايلاعانى راس پا - كوميتەت جاۋابى
«كەشەدەن بەرى ءبىرقاتار ب ا ق- تا ماڭعىستاۋ وبلىسى ءتۇپقاراعان اۋدانى اتاش ەلدىمەكەنىنىڭ تۇرعىندارىن ق ر قىزىل كىتابىنا ەنگەن «قىزىل قاسقىردىڭ» تالاعانى تۋرالى اقپارات تارادى. رەسمي تۇردە بۇل جابايى جانۋاردىڭ قىزىل قاسقىر ەمەستىگىن حابارلايمىز. بۇل - قاراپايىم جابايى شيەبورى»، - دەپ حابارلادى ورمان شارۋاشىلىعى جانە جانۋارلار دۇنيەسى كوميتەتىنىڭ باسپا ءسوز حاتشىسى ساكەن دىلداحمەت.
كوميتەتتىڭ حابارلاۋىنشا، قىزىل قاسقىرلار قازاقستان اۋماعىندا كەزدەسپەيدى. سوڭعى 50 جىلدا قازاقستاندا قىزىل قاسقىرلار تۋرالى اقپارات بولماعان. قىزىل قاسقىرلار حالىقارالىق تابيعاتتى قورعاۋ وداعىنىڭ جانە قازاقستان رەسپۋبليكاسىنىڭ قىزىل كىتابىنا ەنگىزىلگەن.
«ءتۇپقاراعان اۋدانىنىڭ حالقى شيەبورىنى «قىزىل قاسقىر» دەپ ءجيى اتايدى. شيبورىگە تالانعان 3 ازاماتتىڭ دەنساۋلىعى تۇراقتى دەگەن حابار الدىق. ادامعا نەمەسە مالعا جابايى اڭ شابۋىل جاساعاندا، جەرگىلىكتى ۆەتەريناريا قىزمەتىنە حابارلاسۋ كەرەكتىگىن ەسكەرتەمىز. قاسقىر مەن شيەبورىنى اتۋعا ماڭعىستاۋ وبلىستىق ورمان شارۋاشىلىعى جانە جانۋارلار دۇنيەسى ينسپەكسياسىنان مەملەكەتتىك قىزمەت شەڭبەرىندە رۇقسات الۋعا بولادى»، - دەلىنگەن رەسمي حابارلامادا.
فوتو: bilim-all.kz