قازاقپارات «حان شاتىر» ساۋدا- ويىن- ساۋىق ورتالىعىندا فوتوكورمە وتكىزەدى
فوتوكورمەدە العاش رەت قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ جۇمىس بارىسى تۇسىرىلگەن فوتوسۋرەتتەر قويىلادى.
فوتوكورمە نەگە «Kazakhstan: Wise Power» دەپ اتالادى؟ «Wise power» - دانالىق قۋاتى. بۇل - قازاقستاننىڭ جانە ونىڭ كوشباسشىسى ەلباسى نۇرسۇلتان نازاربايەۆتىڭ ۇستانعان ساياساتىنا بەرىلگەن انىقتاما.
تاۋەلسىزدىكتىڭ العاشقى جىلدارىنان باستاپ- اق پرەزيدەنت نۇرسۇلتان نازاربايەۆتىڭ باسشىلىعىنداعى قازاقستان تاتۋ كورشىلىك جانە ءوزارا ءتيىمدى ىنتىماقتاستىقتىڭ جاڭا الەمدىك ترەندتەرىن جاساي وتىرىپ، بەيبىت دامۋ جولىن تاڭدادى.
قازاقستاننىڭ بۇگىنگى جاھاندىق ءيميدجى بەيبىت باستامالارعا ءارقاشان قولداۋ ءبىلدىرىپ، جان- جاقتى كومەك كورسەتۋگە دايىن ەل رەتىندە قالىپتاستى. ال پرەزيدەنت نازاربايەۆ ۇلتارالىق كەلىسىمنىڭ بىرەگەي جۇيەسىن جاساپ، جاھاندىق ساياساتتاعى ديپلوماتيانىڭ كەمەل، جاڭا فورماتىن جۇزەگە اسىرىپ كەلەدى. بۇعان قوعامدىق سانانى جاڭعىرتۋدىڭ «رۋحاني جاڭعىرۋ» باعدارلاماسىن جاتقىزۋعا بولادى، ويتكەنى باسەكەگە قابىلەتتى قازاقستان حالقى كۇللى الەمگە ءوزىنىڭ كەمەلدىگى مەن دانالىعىن كورسەتىپ وتىر.
Kazakhstan: Wise Power فوتوكورمەسىنىڭ ماقساتى - «قازاقپارات» ح ا ا تىلشىلەرىنىڭ جانە قازاقستاندىق اقپاراتتىق اگەنتتىگىنىڭ سەرىكتەستەرى اقوردانىڭ باسپا ءسوز قىزمەتى، «انادولى» (تۇركيا) ، «ازەرتادج» (ازەربايجان) ، «بەلتا» (بەلارۋس) ، «The Islamic Republic News Agency» (يران) ، ۋزا (وزبەكستان) ، «كابار» (قىرعىزستان) ، «حوۆار» (تاجىكستان) جانە «ۋكرينفورم» (ۋكراينا) فوتوكامەرالارىنىڭ وبەكتيۆى ارقىلى جاڭا الەمگە جاڭا قازاقستاننىڭ جاڭا الەمدەگى ساليقالى بەلسەندىلىگىن تانىتۋ بولىپ وتىر.
كورمە قازاقستان رەسپۋبليكاسىنىڭ اقپارات جانە بايلانىس مينيسترلىگى، «قازاقپارات» حالىقارالىق اقپاراتتىق اگەنتتىگىنىڭ ۇيىمداستىرۋىمەن «حان شاتىر» ساۋدا- ويىن- ساۋىق ورتالىعىنىڭ جانە «BI Group» قۇرىلىس حولدينگىنىڭ اتسالىسۋىمەن ۇيىمداستىرىلۋدا.
كورمەنى جەلتوقساننىڭ 1-10 - ارالىعىندا ساعات 10:00 دەن 23:00 گە دەيىن تاماشالاۋعا بولادى. كىرۋ تەگىن.