نۇرسۇلتان نازاربايەۆ جاستارعا ۇلگى بولارلىق باتىرلاردى اتادى

استانا. قازاقپارات - قازاقستاندا تابىلعان جادىگەرلەر مىسىر پيراميدالارىنان دا بۇرىن جاسالعان. بۇل تۋرالى ەلباسى - ق ر قارۋلى كۇشتەرىنىڭ جوعارعى باس قولباسشىسى نۇرسۇلتان نازاربايەۆ ايتتى، دەپ حابارلايدى قازاقپارات ءتىلشىسى.

 «ۇلى دالانىڭ جەتى قىرى» دەگەن ماقالامدا ءبىزدىڭ قاي زاماننان بەرى كەلە جاتقانىمىزدى ايتىپ ءوتتىم. ءبىزدىڭ قازاقتىڭ جاستارى شەتەلگە بارعاندا «سەندەر كىمسىڭدەر، قايدان شىقتىڭدار» دەگەن سۇراققا جاۋاپ بەرە المايدى. ءبىزدىڭ ءتۇپ- تامىرىمىز 3-5 مىڭ جىل ارىدا جاتقانى مىنا مۇراجايدا بارلىعىنان كورىنىپ تۇر. ءبىزدىڭ جەرىمىزدە تابىلعان جادىگەرلەر وسىدان 5-6 مىڭ جىل بۇرىن مىسىردىڭ پيراميداسىنان دا ەرتەرەك جاسالعانى كورىنىپ تۇر»، - دەدى ق ر پرەزيدەنتى «جاس سارباز» بالالار مەن جاسوسپىرىمدەر اسكەري- پاتريوتتىق قوزعالىسى» رەسپۋبليكالىق قوعامدىق بىرلەستىگىنىڭ جانە اسكەري- پاتريوتتىق كلۋبتاردىڭ تاربيەلەنۋشىلەرىمەن كەزدەسۋىندە.

 مەملەكەت باسشىسىنىڭ ايتۋىنشا، ەرتە زامانداردا- اق قازاق جەرىن مەكەندەگەن حالىقتار مەتاللۋرگيانى يگەرىپ، ونى جوعارى دەڭگەيگە كوتەرگەن. ال دۇنيەجۇزىندە قازاق جەرىندە ەڭ ءبىرىنشى بولىپ اتتى ۇيرەتىپ، ءمىنۋدى قازىرگى زىمىراندى يگەرۋمەن تەڭەۋگە بولادى.

سونىمەن قاتار، ەلباسى بۇگىنگى جاستاردى ۇلگى بولارلىق باتىرلارىمىز بۇگىنگى كۇنى دە كوپ ەكەندىگىن باسا ايتتى.

 «سەندەردىڭ ۇلگى بولارلىق اعالارىڭ كوپ. كەشەگى ەكىنشى دۇنيەجۇزىلىك سوعىسقا قاتىسقان باتىر اعامىز باۋىرجان مومىش ۇلى بار. ارىعا بارماي- اق قويايىق، ارالارىڭىزدا ارميا گەنەرالى التىنبايەۆ، اۋعان سوعىسىنا قاتىستان گەنەرال ەرتايەۆ، اۋعانستانداعى قان مايداننان شىققان باقىتبەك سماعۇلوۆ وتىر»، - دەدى مەملەكەت باسشىسى.

اۆتور: مارلان جيەمباي